E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

SPAK zbulon detaje/ Si Meta dhe Kryemadhi futën në tregun e fibrave optike një kompani private

21 Tetor 2024, 20:35, Aktualitet CNA

SPAK zbulon detaje/ Si Meta dhe Kryemadhi futën në tregun e fibrave

Ilir Meta dhe Monika Kryemadhi

Një tjetër akuzë penale që rëndon ndaj kreut të Partisë së Lirisë, Ilir Meta dhe bashkëshortes së tij, deputetes Monika Kryemadhi, është ndikimi për futjen në Shqipëri të një fibre optike.

SPAK deklaron se Meta ka përdorur influencën si kryetar i Kuvendit dhe Kryemadhi si deputete për të ndikuar tek drejtuesit e institucioneve të ndryshme shtetërore si dhe tek drejtuesit e kompanive të telefonive celulare në vitin 2014.

Me influencën e tyre, është bërë e mundur futja në tregun e fibrave optike e një kompanie, si dhe lidhja e marrëveshjes së me një kompanie private telefonike celulare.

Shpenzimet e padeklaruara për ndërhyrje estetike, që fundosën Metën dhe Kryemadhin
21 Tetor, 19:47
Apartamenti në ish-Bllok/ SPAK: Paratë rrjedhin nga aktiviteti i paligjshëm i Metës dhe Kryemadhit
21 Tetor, 19:29

Sipas Prokurorisë së Posaçme, Meta dhe Kryemadhi kanë përfituar pjesën e tyre në përqindje nga fitimi i kompanisë, dhe janë pajisur me karta krediti nga administratori i shoqërisë.

“Nga hetimet ka rezultuar se shtetasi I. M. në sajë të funksionit të tij si Kryetar i Kuvendit dhe bashkëshortja e tij, M. K. si deputete e Kuvendit, në vitin 2014 kanë përdorur influencën e tyre duke ndikuar tek drejtuesit e institucioneve të ndryshme shtetërore si dhe tek drejtuesit e kompanive të telefonive celulare, me qëllim futjen në tregun e fibrave optike si dhe lidhjen e marrëveshjes së interkonjeksionit midis kompanisë “U… C… INC” dhe një kompanie private telefonike celulare.

Si rezultat i kësaj influence të paligjshme subjektet në hetim I.M dhe M.K. kanë përfituar pjesën e tyre në përqindje nga fitimi i kompanisë, dhe janë pajisur me karta krediti nga administratori i shoqërisë. Shpenzimet e kryera nëpërmjet këtyre kartave, nuk janë deklaruar në deklaratat periodike të pasurive nga të hetuarit”, thuhet në njoftim.

Ilir Meta

Gjithashtu, theksohet se Pirro Xhixho si kryetar i AKEP-it ka zbatuar porositë e Metës dhe Kryemadhit, dhe ka lejuar kompaninë private të ushtrojë aktivitetin e saj në shkelje të ligjit.

“Personi nën hetim P. Xh., duke shfrytëzuar autoritetin e tij si Kryetari i AKEP, i zgjedhur nga Kuvendi i Shqipërisë me propozimin e subjektit politik “Lëvizja Socialiste Për Integrim” (LSI), në zbatimi të porosive të marra nga subjektet I. M. dhe M. K., jo vetëm ka ndikuar tek drejtuesit e kompanisë telefonike celulare për finalizmin e marrëveshjes por nga ana tjetër, ka lejuar kompaninë private të ushtrojë aktivitetin e saj në shkelje të ligjit të AKEP. Për këto arsye, personat nën hetim I.M. dhe M.K. ka dyshime se kanë konsumuar veprën penale të “Korrupsionit pasiv të zyrtarëve të lartë shtetërore ose të zgjedhurve”, në bashkëpunim, të ndihmuar edhe nga personi tjetër nën hetim P. Xh., i cili akuzohet për të njëjtën vepër penale”, nënvizon SPAK-u./ CNA