E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Arrestimi i Çyrbjas/ Lala: Ish-deputeti i jepte informacione krimit të organizuar në këmbim të votave

21 Tetor 2024, 22:50, Aktualitet CNA

Arrestimi i Çyrbjas/ Lala: Ish-deputeti i jepte informacione krimit

Jurgis Çyrbja

Gazetarja Klodiana Lala ka zbuluar detaje në lidhje me arrestimin e ish-deputetit të PS-së, Jurgis Çyrbja.

Lala tha se Çyrbja nuk është arrestuar për shpërdorim detyre për pronat në Durrrës, por për shkak të komunikimeve në aplikacionin “SKY ECC”.

Sipas sa, Çyrbja dyshohet se ka marrë të dhëna nga zyrtarë të lartë, policia dhe drejtësia për persona në kërkim dhe i favorizonte, në këmbin të votave.

Ajo deklaroi se njëri prej këtyre është Altin Hajri. Gazetarja tha në një dalje televizive se Hajri ka propozuar që ish-deputeti të ishte i treti në listën e PS-së në Durrës.

CNA e paralajmëroi/ Arrestohet ish-deputeti i PS-së me urdhër të SPAK-ut
20 Tetor, 19:10

“Zoti Çyrbja nuk është arrestuar për shpërdorim detyre për pronat në Durrrës, por një çështje që ka të bëjë me të dhënat e ardhura nga autoritetet franceze. Dyshimet e SPAK-ut janë që Çyrbja të jetë përfshirë në komunikime në ‘SKY ECC’, ku Prokuroria e Posaçme na flet për korrupsion në zgjedhje. Janë 4 personazhe, Altin Hajri, në kërkim për zhdukjen e Jan Prengës, i cili komunikon me Ahmet Mashën, Edmond Koçin dhe të tjerë, ndërmarirn një operacion që Çyrbja të mos lihej i pesti apo gjashti në Durrës, por të shkonte i treti në listë. Fakti tregoi se Dako e propozoi emrin e Çyrbes i treti në listë dhe u miratua nga Edi Rama.

Çyrbja dyshohet se ka marrë të dhëna nga zyrtarë të lartë, policia, drejtësia, që kishte të bënte për persona në kërkim dhe i favorizonte, në këmbin të votave, pra Altin Hajri. Ka edhe një rast për një grup shumë të rrezikshëm në zonën e Durrësit, që ka të bëjë me Kreshnik Budlla Farruku. Aktivitetin e ka patur në Spanjë, është goditur pak kohë më parë. Kreshnik Budlla Farruku është larguar nga shtëpia dhe ka harruar celularin hapur. Jurgis Çyrbja rezulton se i çonte të dhëna kunatit të Farrukut dhe ai ia përcillte këtij të fundit.

Edi Rama dhe mazhoranca ka patur interes ta merrte mandatin e Çyrbes, sepse po të shkonte kërkesa në Kuvend prokuroria duhet t’i Çonte aktet dhe komunikimet kompromentonin eksponentë të PS-së dhe kryeministrin. Krimi i organizuar ka hedhur valle mbi tavolinën e Kryeministrit. Ka biseda ku thuhet pse të jetë Ndraxhi, që edhe ai del të Dosja 339, që caktohej nga Avdylajt. Kanë përplasje brenda grupit. Si ka mundësi që Kryeministri dhe strukturat e PS-së vendosën të tretin në listë një person të propozuar nga krimi i organizuar? Nuk është peshku i madh Cyrbja, por kush e furnizonte Çyrbjen me informacion?", tha Lala.