web counter
LEXO PA REKLAMA!

SHKARKO APP

App Store
Google Play

E fundit!

x

Fevziu: Berisha duhet të ikte 3 vjet më parë, të linte lider të ri

28 Tetor 2024, 22:39, Politikë CNA
Fevziu: Berisha duhet të ikte 3 vjet më parë, të linte lider
Gazetari Blendi Fevziu

Gazetari Blendi Fevziu bëri një analizë të situatës politike në vend, ku ka shprehur rezerva për opozitën.

Në një dalje televizive, Fevziu tha se Berisha duhet të ikte 3 vjet më parë dhe të linte një lider të ri.

Ai deklaroi se situata tashmë është shumë e keqe për opozitënn, pasi ka dy kryetarë partish në burg.

“Unë në 2019 e kam thënë se dalja nga Parlamenti dhe vendimi për të mos hyrë në zgjedhjet lokale do t’i kushtojë opozitës të paktën për 2 dekada. Në këtë rrethanë që është opozita sot nuk do të dija ç’të bëja.

Me dy kryetarë në burg, Metën dhe Berishën, sidomos me kreun e PD-së, me këtë mosbindjen civile etj. Këto janë makiazhe. Opozita mund t’i bëjë më atraktive këto, që të vërë në lojë Ramën. Ky që po bëjnë është make up. Në këto rrethana them se nuk ka se çfarë të bëjë. Tre vjet më parë ta dhashë zgjidhjen në këtë studio. Berisha duhet të ikte dhe të linte një lider të ri dhe vetë të rrinte kryetar nderi. Tani kjo nuk ndodh më dhe është shumë vonë. Kjo donte një tre vjeçar.

Një lëvizje mund të ndryshojë shumë rendin politik. Në qershor, korrik ishte e sigurtë që Trump do të ishte fitues përballë Biden dhe u fut Kamala Harris dhe tani nuk është e sigurtë që fiton Trump”, theksoi gazetari./ CNA





Lajmet e fundit nga