web counter
LEXO PA REKLAMA!

SHKARKO APP

App Store
Google Play

E fundit!

x

Diplomatët, në aktivitetet e PS-së/ Bardhi dërgon në SPAK ambasadorët, Ramën dhe dy ministra

28 Tetor 2024, 18:55, Politikë CNA
Diplomatët, në aktivitetet e PS-së/ Bardhi dërgon në
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi bëri mbrëmjen e sotme një denoncim për mazhorancën.

Bardhi deklaroi se diplomatët po marrin pjesë në aktivitetet partiake të PS-së, ndërsa e cilësoi këtë si një shkelje të ligjit.

Ai bëri me dije se ka depozituar në SPAK një kërkesë për ndekje penale për ambasadorët, kryeministrin Edi Rama, si dhe ministrat Taulant Balla dhe Igli Hasani.

Gjithashtu, demokrati njoftoi se ka vënë në dijeni edhe presidentin Bajram Begaj për aktivitetet e PS-së.

“Sot i jam drejtuar zyrtarisht Presidentit të Republikës që të ndërhyj për të mos lejuar cënimim e rëndë të barazisë së palëve në zgjedhje dhe parimeve themelore që garantojnë zgjedhjet e lira dhe të ndershme. Presidenti nuk duhet të hesht, por duhet të ngrihet në lartësinë e detyrës si Kreu i Shtetit.

Heshtja dhe mungesa e reagimit të Presidentit të Republikës për veprimin kriminal të mazhoranës qeverisëse dhe Trupit Diplomatik, perceptohet si mesazh i qartë që Presidenti e mbështet këtë aktivitet të paligjshëm, dhe mbi të gjitha mbështet shkrirjen në një të shtetit dhe partisë në zgjedhje.

Po sot kam depozituar në SPAK edhe kërkesën për hetimim dhe ndjekjen penale ndaj Edi Ramës, Taulant Ballës, Igli Hasanit, dhe Ambasadorëve të konstatuar, për kryerjen e veprës penale të parashikuar në nenin 328/a të Kodit Penal”, nënvizoi kreu i Grupit Parlamentar të PD-së./ CNA





Lajmet e fundit nga