web counter
LEXO PA REKLAMA!

SHKARKO APP

App Store
Google Play

Nesër protestë/ "Kërcënon" Berisha: Mos guxoni të dilni kundër qytetarëve

28 Tetor 2024, 19:25, Politikë CNA
Nesër protestë/ "Kërcënon" Berisha: Mos guxoni
Ish-kryeministri Sali Berisha

Ish-kryeministri Sali Berisha gjatë daljes së tij televizive ka folur për protestën e distës së nesërme ku u bëri thirrje demokratëve që të bashkohen për të rikthyer dinjitetin në vend.

Berisha me tone kërcënuese i bëri thirrje kryeministrit Edi Rama dhe Ministrit të Brendshëm Ervin Hoxha që të mos guxojnë të pengojnë qytetarët, sepse përgjigjia do të jetë lemritëse.

"Duan t'i ndryshojnë drejtimin vendit. Drejtimi i tij është zbrazja e vendit dhe krijimi i pasurisë me fonde të vjedhura. T’i përcjellim zërin tonë për qeveri teknike, për zgjedhje të lira, për largimin nga pushteti dhe që qytetarëve shqiptarë tu rikthehet dinjiteti. Të rikthehet drejtësia që qëndron në ligjet e kushtetutës dhe jo si organizatë kriminale e marrë peng nga Edi Rama. Duam dhe do arrijmë të kthejmë Shqipërinë në rrugën e integrimit, shpresës dhe zhvillimit.

Çdo demokratë duhet të bëjë gjithçka për t’i nxirë jetën këtij regjimi të pashpirt, për t’i marrë frymën e për t’i shkurtuar ditët që te kemi ecje të sigurtë drejt fitores. Rama dhe organizata e tij kriminlae duhet të mposhten dhe ne çdo ditë duhet të jemi në sulm kundër tyre. Nesër paralajmëroj Edi Ramën dhe bastardin e familjes Hoxha, gjobvënësin e policisë Ervin Hoxhën, që të mos guxojë të ndërsej Ilir Prodën kundër protestuesve, sepse përgjigjia jonë do të jetë lemeritëse për ju."/CNA





Lajmet e fundit nga