web counter
LEXO PA REKLAMA!

SHKARKO APP

App Store
Google Play

E fundit!

x

Debate në Komisionin e Ekonomisë/ Kreu i KLSH-së i “mbyll gojën” Braçes: Media, avokate e shoqërisë shqiptare

29 Tetor 2024, 12:20, Politikë CNA

Debate në Komisionin e Ekonomisë/ Kreu i KLSH-së i “mbyll

Kreu i KLSH-së, Arben Shehu, ka dalë në mbrojtje të mediave, duke deklaruar se media është mbrojtëse e interesave të shoqërisë dhe avokate e shoqërisë shqiptare.

Ky qëndrim i kreut të KLSH-së, Shehu, erdhi pas ankesave të deputetit socialist, Erion Braçe, në komisionin e Ekonomisë, ku ky i fundit ka shpërthyer ndaj mediave, duke thënë se ndodhet në sulme të vijueshme dhe thelbi i sulmeve sipas tij është propozimi që ka bërë në raport me KLSH-në.

Diskutimet në komision

Erion Braçe: Po e bëj këtë ndërhyrje për të sqaruar disa gjëra. U bë e disata javë që unë personalisht jam objekt i sulmeve të vijueshme në media dhe thelbi është propozimi që kam bërë në rezolutën e komisionit dhe parlamentit në raport KLSH. Janë sulme që vijnë nga padija, nga mosnjohja e ligjit në radhë të parë dhe punës së deputetit në radhë të dytë, janë sulme që vijnë nga keqdashja. Keqdashja e ka origjinën nga brenda KLSH.

Nuk e di se çfarë ka ndodhur në harkun kohor të 10 ditëve që nga miratimi i rezolutës në parlament, besoj dëshmia që unë kam kapur KLSH apo kam pasur qëllim të kap KLSH.

KLSH kapet nëse doni ju dhe jo ne. Nuk kam kapur njeri. Nuk e di si kapet KLSH. E toleroj padijen, por jo keqdashjen. Sot kam vendosur të mos flas, po ta hap gojën do të jem tabelë qitjeje prapë. Nuk guxojmë dot të hapim gojën.

Arben Shehu: Dua të sqaroj se KLSH nuk ka asnjë lloj dashakeqësie, përkundrazi, në radhë të parë si deputet dhe për atë që përfaqëson zoti Braçe.

Nga ana e zotit Braçe kemi pasur një qëndrim mëse mbështetës në raport me detyrën që mban zoti Braçe.

Në lidhje me komunikime apo me qëndrime të ndryshme që institucioni mund t’i mbante kam pasur të gjitha mundësitë dhe kam zgjedhur rrugën e komunikimit normal institucional.

Unë nuk jam gazetar, me profesion jam jurist. Komunikimin me mediat e vlerësoj shumë se është avokat i shoqërisë shqiptare. Media është mbrojtëse e interesave të shoqërisë. Por në lidhje me situata të tilla është e pakuptimtë që ne të përfshihemi dhe të insistojmë në këtë drejtim. Nëse do kem nevojë të bëj komunikime do përgjigjem në format që ligji më lejon./ CNA





Lajmet e fundit nga