web counter
LEXO PA REKLAMA!

SHKARKO APP

App Store
Google Play

E fundit!

x

Dy objektivat e Ramës në mandatin e katërt

29 Tetor 2024, 14:38, Politikë CNA
Dy objektivat e Ramës në mandatin e katërt
Kryeministri Edi Rama

Kryeministri Edi Rama, së bashku me ministra të kabinetit, ka vijuar turin e takimeve me pensionistët. Së fundmi ai është ndalur në qytetin e Fierit, ku edhe një herë ka paralajmëruar kompanitë se nuk do të ketë tolerime për mosdeklarimin real të pagave.

Kryeministri u është përgjigjur edhe deklaratave të opozitës për indeksimin e pensioneve me 4.1%, duke sqaruar se kjo nuk është rritje, por një indeksim i detyruar sipas ligjit.

Rama ka folur edhe për dy objektiva të qeverisë në mandatin e katërt, integrimi i Shqipërisë në BE dhe lehtësimi sa më i madh i frymëmarrjes së pensionistëve.

"Dy objektivat për mandatin e katërt. E para është anëtarësimi në BE dhe e dyta është lehtësimi sa më i madh i frymëmarrjes së pensionistëve, që Shqipëria në BE, të mos jetë vetëm Shqipëria e të gjithë të tjerëve që janë në moshën aktive me mundësi më të mëdha, ku të jetë dhe Shqipëria ku pensionistët e fillojnë ditën më të qeshur. Këta janë dy objektivat themelorë të mandatit të katërt dhe mos kini asnjë dyshim”, tha ai.

Ndër të tjera kryeministri Rama theksoi se për skemën e pensioneve Shqipëria tashmë ka marrëveshje me 20 shtete, ku më e vështira ishte ajo Italinë dhe se vijojnë diskutimet për të arritur marrëveshje me Greqinë./ CNA





Lajmet e fundit nga