web counter
LEXO PA REKLAMA!

SHKARKO APP

App Store
Google Play

E fundit!

x

Sulmet dashakeqëse ndaj sistemit bankar/ Sejko: Po marrim masa për të pasur filtra më të fortë mbrojtës

30 Tetor 2024, 09:34, Politikë CNA

Sulmet dashakeqëse ndaj sistemit bankar/ Sejko: Po marrim masa për

Guvernatori i Bankës së Shqipërisë, Gent Sejko, ka deklaruar se sulmet kibernetike ndaj sistemit bankar janë të vazhdueshme.

Guvernatori tha në komisionin për Dezinformimin se po bëhet një punë e madhe dhe po bashkëpunojnë me të gjitha bankat e nivelit të dytë për të rritur investimet në mbrojtjen e sistemit bankar.

Sejko tha se po merren masa për të pasur filtra më të fortë mbrojtës për sistemin bankar.

“Në mënyrë të vijueshme ka pasur sulme. Kemi dy lloj ndërhyrjesh. Një është me sulme ndaj sistemit bankar dhe financiar dhe ndërhyrja tjetër është përmes dezinformimit.

Të dyja këto ndërhyrje janë të rrezikshme në varësi të forcës dhe ndikimit të tyre. Pavarësisht ndërhyrjes sistemi financiar ka qenë i qëndrueshëm. Kemi marrë masa bashkë me bankat e nivelit të dytë.

Ka një punë të madhe, po vazhdojmë të nxisim bankat e nivelit të dytë për të rritur investimet për mbrojtjen e sistemit.

Kemi rritur buxhetin tonë, po marrim masa për të pasur filtra më të fortë mbrojtës.

Masa kryesore ka qenë rritja e transparencës dhe komunikimit”, tha Sejko./ CNA





Lajmet e fundit nga