web counter
LEXO PA REKLAMA!

SHKARKO APP

Dëgjesat për “Territorialen”/ Haxhimali me kritika: Ligjvënësit të mos mbajnë qasje politike

17 Maj 2026, 16:46, Politikë CNA

Dëgjesat për “Territorialen”/ Haxhimali me kritika:

Drejtori Ekzekutiv i Shoqatës së Bashkive, Agron Haxhimali ndau sot një qasje kritike lidhur me mënyrën sesi po zhvillohen dëgjesat publike nëpër Shqipëri, lidhur me Reformën Administrativo-Territoriale.

I ftuar në ‘Euronews Albania”, Haxhimali u shpreh se dominon një pakënaqësi nga dy kahët politikë lidhur me procesin e deritanishëm, që ka hyrë në një fazë mjaft intensive.

Sipas ekspertit, ligjvënësit nuk duhet të mbajnë qasje politike për hartat e reja, në një kohë kur qytetarët kërkojnë më shumë shërbime nga pushteti vendor.

“Pas disa vonesave burokratike, tashmë komisioni ka hyrë në fazën e një punë mjaft intensive dhe mjaft dinamike. Ka bërë dëgjesë. Jemi në mesin e procedurës nga pikëpamja kohore dhe kanë mbetur edhe 6 takime. Nga diskursi dominon një pakënaqësi, qoftë nga të majtët, qoftë nga të djathtët. Qytetarët nuk munden të shpejgojnë, por kërkojnë më shumë shërbime dhe këto janë normale. Deri më tani ka një lëndë të mirë. Ne që jemi pas këtij komisioni, duhet t’u themi ligjvënësve që të mos mbajnë qasjen politike”,-tha Haxhimali./CNA





Lajmet e fundit nga