Dashmir Shehi, thirrje të fortë qytetarëve/ Më 14 maji, bëni zgjedhjen e duhur

5 Maj 2023, 20:26, Politikë CNA

Dashmir Shehi, thirrje të fortë qytetarëve/ Më 14 maji,

Kreu i LZHK-së, Dashamir Shehi ka zhvilluar një takim me kandidatët për Këshilltarë Bashkiakë të Tiranës.

Gjatë këtij takimi, Shehi ka theksuar problematikat e qytetit të Tiranës, duke vënë në pah mungesën e shërbimeve në periferi, transportin dhe trafikun e rënduar në Tiranë.

Shehi ka prezantuar edhe kandidatët e tij për Këshillin Bashkiak të LZHK-së, pë Tiranën, të cilët sipas tij do të përfaqësojnë denjësisht shqiptarët në parlament

“Një takim me kandidatët për Këshilltarë Bashkiakë të Tiranës, nga Aleanca Progresiste LZHK, ku u diskutua për qasjen politike që do ketë kjo aleancë për të përfaqësuar qytetarët.

U diskutua për problematikat e Tiranës që janë: Mungesa e shërbimeve në periferi, për shkak se të gjitha interesat ekonomike janë në qendër, ku dhe abuzimi është më i madh.

Po ashtu transporti dhe trafiku që janë kthyer në një makth, kur duhet të ishte funksional dhe i lëvizshëm.

Problem është dhe betonizimi që po përdoret për interesa ekonomike në dëm të qytetit.

Dashamir Shehi foli per zhvillimin kaotik të qendrave urbane, problematikë që është më e madhe se kudo tjetër në Tiranë , kurse Fabian Topollaj foli për përqëndrimin e të githë pushtetit në dorën e kryetarit të bashkisë që ka rritur në mënyrë të frikshme abuzimin.

Ajo që synohet është përfaqësimi i denjë i qytetarëve dhe garantimi i ndryshimit dhe jo vetëm rrotacioni.

Lista e Kandidatëvë udhëhiqet nga Fabian Topollaj, anëtar i vetëm opozitar gjatë këtij mandati në këshillin bashkiak. Ai është pedagog në Universitetin e Tiranës.

E dyta në listë është Violanda Llana sipërmarrëse e suksesshme e kryeqytetit.

I treti Aleksandër Pere, pedagog ne Fakultetin e Shkencave të Natyrës, mban titullin doktor shkencash dhe është një ndër drejtuesit të sindikatës së pedagogëve.

E katërta në listë, Violeta Aliaj aktiviste dhe pedagoge në Universitetin e Tiranë.

Nga i pesti, Rei Shehu i diplomuar për Shkenca Politike dhe Strategji Ekonomike.

Në 14 maj bëj zgjedhjen e duhur dhe voto kandidatët e Aleancës Progresiste LZHK me numrin 10

Ti e ke në dorë të përcaktosh se cilët do jenë ata që do të të përfaqësojnë në parlamentet vendore", shkruan ai./CNA.al