web counter
LEXO PA REKLAMA!

SHKARKO APP

App Store
Google Play

Berisha "nxjerr zbuluar" kryebashkiaken e Kurbinit/ Shpenzon 160 mijë euro, me mobilje antistres

5 Maj 2023, 18:25, Politikë CNA

Berisha "nxjerr zbuluar" kryebashkiaken e Kurbinit/ Shpenzon 160

Kreu i koalicionit “Bashkë Fitojmë”, Sali Berisha ka ironizuar kryebashkiaken aktuale të Kurbinit Majlinda Carën, e cila sipas tij shpenzon 160 mijë euro për të areduar zyrën me mobilje antistres.

Berisha është shprehur se Cara është një klonim i kryeministrit Edi Rama dhe ministreve të tij të cilat po ashtu shpenzojnë miliona euro për të areduar zyrat e tyre.

Ndër të tjera ai ka theksuar se Majlinda Cara  nuk mund të krahasohet me kandidatin e koalicionit “Bashkë Fitojmë”, Behar Haxhian.

"Behar Haxhia ka një rivale, e cila jo vetëm që fshihet vetë nga ju, por e fsheh edhe Edi Rama. Po vija dhe nuk po shifja kund, ja ka zhdukur të gjitha portretet Majlindës. Unë nuk do të doja, ua them këtu, që të thoja qoftë edhe një çerek fjale të papërshtatshme për një zonjë. Por interesi juaj, i fëmijëve tuaj, interesi i dhjetëra mijëra qytetarëve që rropaten sot në mospasje, i atyre që detyrohen të largohen më detyron ti them, se ti Majlinda nuk je gjë tjetër vetëm një klonim i Belindës, Oltës dhe enturazhit të Edi Ramës.

Se ku u kanë mbledhur ju me qirinj, por ti je si një binjake siameze, qoftë me Oltën qoftë me Belindën. Belinda e mobilon zyrën me 220 mijë euro. A mund të imagjinoni ju, 220 mijë euro, sepse do të ndihet aty si ... ç’të thuash.

Olta bën rrugën Tiranë-Peshkopi, 15 herë me helikopter, 15 mijë euro rruga. Majlinda, kryetarja arredon bashkinë, zyrën me 160 mijë euro", tha ai./CNA/al

 

 

 

 

 

 

 

 





Lajmet e fundit nga