E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Alibeaj harron Ramën, vijon me sulme kundër Berishës/ Mban të njëjtin qëndrim si Enver Hoxha

5 Maj 2023, 15:48, Politikë CNA

Alibeaj harron Ramën, vijon me sulme kundër Berishës/ Mban

Kreu i komanduar i PD-së, Enkelejd Alibeaj, si në çdo takim të tij elektoral edhe këtë herë në Berat ka shpërthyer në akuza dhe sulme kundrejt kreut të koalicionit “Bashkë Fitojmë”, Sali Berisha.

Alibeaj e ka krahasuar Berishën me Enver Hoxhën duke u shprehur se që kur SHBA-ja e ka shpallur “non grata” ai është përpjekur me çdo mënyrë që të godasë Amerikën.

Sipas tij, “qëndrimi që mban sot Sali Berisha ndaj Mbretërisë së Bashkuar, SHBA-së, është i njëjti si qëndrimi që u mbante Enver Hoxha anglo-amerikanëve”.

“E pra, qëndrimi që mban sot Sali Berisha ndaj Mbretërisë së Bashkuar, SHBA-së, është i njëjti si qëndrimi që u mbante Enver Hoxha anglo-amerikanëve. Në fakt, ajo se çfarë realisht Sali Berisha kërkonte të bënte në Shqipëri, ishte të krijonte një lëvizje antiamerikane. Për herë të parë në tri dekada demokraci dhe për herë të dytë pas Enver Hoxhës, në historinë e shtetit dhe të kombit shqiptar, fillonte kjo lëvizje. Që prej shpalljes 'non grata' nga SHBA-ja, inkurajues i korrupsionit madhor dhe minues i demokracisë, Sali Berisha ka provuar të godasë Amerikën herë me shpatë të madhe, herë me biçak, herë me qitje të largët e herë me baltë. I ka provuar të gjitha për të dalë nga gropa e turpit ku e futën aleatët tanë të mëdhenj. Është shprehur kundër ndërtimit të hidrocentralit të Skavicës, që është investim amerikan duke e quajtur atë projekt enverist. Kështu e ka quajtur, projekt enverist. Po a ka gjë më enveriste se të dalësh dhe të paralajmëosh rrezikun e anglo-amerikanëve për Shqipërinë. Ka dalë kundër gazit të lëngshëm amerikan në tecin e Vlorës dhe investimeve amerikane në vend. I ka bërë. I është qepur ambasadores amerikane me një gjuhë të padenjë. E quan atë McGonigal me fustan. Pse e bën këtë? E bën këtë sepse kërkon të hedhë baltë mbi Amerikën. Të hedhë baltë mbi Amerikën që të pastrojë vetveten. Kërkon të tregojë të korruptuar Amerikën, që njerëzit të harrojnë akuzat e bëra për inkurajim korrupsioni. Pse ma bën këtë thotë? Pse më shpallën 'non grata'? Kjo është pyetja që gjithmonë e mundon Sali Berishën. Ai vetë e di këtë, por njerëzve u thotë se na paska dy Amerika. Një Amerikë e Trumpit dhe tjetra e Sorosit. Njëra e Republikanëve dhe tjetra e Demokratëve. Njëra pro Partisë Demokratike dhe tjetra kundër Partisë Demokratike. A thua se Amerikën e merr zvarrë Sorosi, siç oligarkët e Ramës marrin shtetin shqiptar. Jo, jo, nuk është e vërtetë. Nuk është kështu realiteti, nuk ndodh kështu në Amerikë”, tha ai./CNA