web counter
LEXO PA REKLAMA!

SHKARKO APP

App Store
Google Play

E fundit!

x

Berisha konfirmon raportimet e CNA.al/ Problemet që kthyen Bashën tri herë nga rruga për në SHBA

26 Tetor 2022, 21:15, Politikë CNA
Berisha konfirmon raportimet e CNA.al/ Problemet që kthyen Bashën tri
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka zbuluar problemet e Lulzim Bashës me SHBA-në, të raportuara më parë nga CNA.al.

Berisha tha në emisionin “Debat” se Basha është kthyer 3 herë nga rruga për në SHBA. Ai theksoi se nuk e di nëse Basha e ka zgjidhur ose jo këtë problem.

Kreu i PD-së deklaroi se problemet me autoritetet amerikane Bashës i kishin lindur për shkak të dosjes “Muzin”, pasi kishte një dosje të hapur.

“Ato që unë kam deklaruar janë të njohura. Basha ka pasur një problem në SHBA, e sigurt, por që mund ta ketë zgjidhur. Ky është një problem tjetër. Di që jo një, por 3 herë është kthyer nga rruga për në SHBA pasi i kanë thënë që ke dosjen ‘Muzin’. Dhe pastaj është akuzuar zyrtarisht nga inteligjenca e SHBA dhe një zëdhënës i SHBA se PD ka marrë financime ruse. Basha duhet të sqarojë me çdo kusht problemin e financimit rus, ai është një kusht. Ka deklaruar se nuk është e vërtetë, por është e papranueshme nëse nuk thotë ku i ka marrë 625 mijë dollarë dhe si i ka kaluar në Skoci. Nëse ka frikë të futet në burg të kërkojë statusin e të penduarit dhe të flasë”, nënvizoi Berisha./ B.A. – CNA.al





Lajmet e fundit nga