web counter
LEXO PA REKLAMA!

SHKARKO APP

App Store
Google Play

E fundit!

x

Dy kandidatët e Primareve për Bashkinë e Maliqit

26 Tetor 2022, 12:01, Politikë CNA

Dy kandidatët e Primareve për Bashkinë e Maliqit

Një organizim i Partisë Demokratike dhe dalja me një strategji Primaresh me zgjedhjen e kandidatëve nga gara, ka bërë që edhe në Bashkinë e Maliqit në Qarkun e Korçës, të fillojë të ndizet gara brenda Partisë Demokratike.

Dy janë emrat kryesorë që PD pretendon t'i ketë si kandidatë për Bashkinë e Maliqit.

Xhevdet Belishta, një ish-kandidat për Bashkinë e Maliqit, ish-kryetar i komunës së Pirgut nga Partia Republikane shumë vite më parë, është një nga emrat që pretendon.

Është e disata herë që ai kërkon të garojë për të marrë Bashkinë e Maliqit dhe pretendon se ka një mbështetje të gjerë.

 

Dy kandidatët e Primareve për Bashkinë e Maliqit
Xhevdet Belishta

 

Megjithëse Maliqi konsiderohet si një bërthamë e majtë, por për shkak të zgjerimit të bashkisë me komuna të tjera orekset vijnë dhe shtohen.

Një emër tjetër është Alfred Gega, ish-kreu i PD-së në komunën e Pojanit, i cili është një tjetër kandidat që preferohet për të qenë pjesë e garës së Primareve nga demokratët në Bashkinë e Maliqit.

Dy kandidatët e Primareve për Bashkinë e Maliqit

Këta janë dy emra që ka opozita përballë socialistëve të cilët e kanë fituar Bashkinë e Maliqit për gjashtë herë rresht.

Gjithsesi, tashmë është një tjetër sfidë, një ndarje e re administrative.

Që nga viti 2015, ku nga PD -ja në Maliq nuk ka pasur një garë të keqe, por ka humbur, ndërsa në 2019-ën ka bojkotuar dhe tashmë pritet që të ketë një përballje të fortë për të pretenduar të fitojë në një nga zonat e majta të Qarkut të Korçës./CNA.al





Lajmet e fundit nga