Çoi PD-në në opozitë, luftoi kundër demokratëve/ Flamur Noka dërgon në Dibër armikun e PD-së

26 Tetor 2022, 13:00, Politikë CNA

Çoi PD-në në opozitë, luftoi kundër demokratëve/

Koha e luftërave dhe e armiqve në PD vazhdon të jetë, të mos ndalet në këto 30 vite.

Armiqtë kanë filluar që nga viti 1990 me themelimin e kësaj partie dhe vazhdon deri më sot.

Por, duket se është e turpshme ajo që ndodh herë pas here sepse gjithmonë dikush lëpin atë që ka pështyrë.

Kështu është rasti i Shemsi Prençit, por ka me dhjetëra deputetë, ministra, karrieristë politikë.

Shemsi Prençi me grupin e punës në Dibër

Por ky është më i freskëti, na e solli Flamur Noka nga Dibra.

Shemsi Prençi, ish-drejtor policie, një nga militantët e PD-së, u largua pas përplasjeve që kishin nisur të ndodhin në Kamëz, pas disa protestave ku u kërkua ndërhyrja e policisë dhe Prençi u tërhoq.

Pasi atje ishin të afërmit dhe miqtë e tij në garë për socialistët në zgjedhjet e vitit 2011.

Më pas situata u agravua.

A ishte shpesh në daljet e tij mediatike, denoncues, akuzues i ashpër ndaj PD-së dhe qeverisjes së Berishës.

Iu bashkua socialistëve dhe Rilindjes në vitin 2013, të cilët e emëruan në një post të lartë si Drejtor i Përgjithshëm i Emergjencave Civile në atë kohë, në Ministrinë e Brendshmë të drejtuar nga Saimir Tahiri.

Çoi PD-në në opozitë, luftoi kundër demokratëve/

Shemsi Prençi dhe Edi Rama

Kështu vazhdoi gjatë Shemsi Prençi derisa e larguan nga detyra.

Arsyet ende s’janë bërë publike, zullume ose jo, ai u largua.

Menjëherë, pasi humbi karrigën Shemsiu filloi të shkonte në protestat e Lulzim Bashës dhe të dilte kundër Ramës në media.

Shemsi Prençi në protestë, në vitin 2019, kundë Ramës

Tani pas përplasjeve të brendshme në PD, udhëheqësi legjendar i kësaj partie, njeriu dhe strategu elektoral, Flamur Noka, e ka emëruar Shemsi Prençin në grupet e punës së PD-së, në qarkun e Dibrës.

Çoi PD-në në opozitë, luftoi kundër demokratëve/

Tani se çfarë mund t’u thotë demokratëve Shemsi Prençi, një gjë është e sigurt, se si mund të ikësh nga PD-ja, si mund të shkosh te PS-ja dhe si mund të kthehesh prapë te PD-ja e te PS-ja.

S’është e çuditshme që Shemsiu t’u flasë demokratëve se duhet ta ndjekin atë nga pas që të shkojnë në pushtet, të marrin një karrige, pastaj ta lënë në përfundim të mandatit, të kalojnë në krahun tjetër, të bëhen drejtorë me partinë tjetër që vjen në pushtet, të rrinë ca kohë e kështu zgjasin pushtetin e tyre.

Çoi PD-në në opozitë, luftoi kundër demokratëve/

Ky do të ishte një leksion i mirë politik i Shemsi Prençit që së fundmi nga Flamur Noka është rikthyer si drejtues politik i Partisë Demokratike.

Tani s’ka ngelur gjë tjetër, por thjesht dhe vetëm në grupin e punës dhe shëtitjeve të tij nëpër qytete, Flamur Noka të marrë me vete Gaz Bardhin, Luli Bashën, pse jo dhe kunatin e këtij të fundit./CNA.al