web counter
LEXO PA REKLAMA!

SHKARKO APP

App Store
Google Play

Dule zbardh takimet me Berishën/ Kushti që i ka vënë për kandidatët e zgjedhjeve lokale

26 Tetor 2022, 20:52, Politikë CNA
Dule zbardh takimet me Berishën/ Kushti që i ka vënë
Kreu i Partisë Bashkimi për të Drejtat e Njeriut, Vangjel Dule

Kreu i Partisë Bashkimi për të Drejtat e Njeriut, Vangjel Dule, ka treguar kushtin që i ka vënë kryetarit të PD-së, Sali Berisha, gjatë diskutimeve për kandidatët në zgjedhjet lokale të 2023-shit.

Dule tha në emisionin "Zona Zero" se për të pasur listë të përbashkët me opozitën, në Bashkitë e Himarës, Dropullit dhe Finiqit kandidatët për kryetarë duhet të jenë të PBDNJ-së.

Sipas tij, kjo është një nga çështjet që nuk diskutohet.

"Të tjerët duhet që të na kërkojnë zona të lira, që të mos kandidojnë në zonat ku jemi forcë e parë, apo e dytë politike. E kam fjalën për Bashkinë e Himarës, Dropullit dhe Finiqit. Me përjashtim të këtyre bashkive, kemi një rol edhe në bashkitë e tjera që kandidaturat tona të mos jenë problem. PBDNJ në të paktën këto 3 bashki do të ketë kandidaturat e veta.

Kjo është një nga çështjet që nuk diskutohet. Për kryetar Bashkie. Pastaj kemi një rol në disa bashki, Sarandë, Konispol, Gjirokastër, Korçë. Kemi një përqindje. Nuk kemi fitues, por është e rëndësishme për ate që do të jetë fitues. Është e rëndësishme që të merret në konsideratë”, theksoi kreu i PBDNJ-së./ B.A. – CNA.al





Lajmet e fundit nga