web counter
LEXO PA REKLAMA!

SHKARKO APP

App Store
Google Play

Berisha: Azem Hajdari, simbol i vërtetë i lirisë së shqiptarëve

22 Dhjetor 2024, 12:33, Politikë CNA

Berisha: Azem Hajdari, simbol i vërtetë i lirisë së

Kreu i PD-së, Sali Berisha, ka qenë pjesë e aktivitetit "Në kërkim të simboleve: Azem Hajdari si simbol i lirisë”, ku është shprehur se Azem Hajdari është simbol i vërtetë i lirisë së shqiptarëve.

Lideri i opozitës theksoi se kush harron të shkuarën, të ardhmen nuk e ka kurrë të sigurtë.

“Po harrove të shkuarën, të ardhmen nuk e ke kurrë të sigurtë dhe kjo është e provuar me qindra herë në histori.

E shkuara të duhet për një qëllim, për të projektuar të ardhmen. Dhe këto të reja dhe të rinj, në këtë vrazhdësi, kohë të vrazhdë ta quajmë për PD, këta zgjodhën që trashëgimnia dhe simbolet jo veç të PD, të mos harrohen, por të nderohen, kujtohen, si burim frymëzimi për shqiptarët.

Këta kanë trajtuar çështje të tjera të cilat unë i kam vlerësuar shumë, një seri nismash, siç është nisma ‘Dhuro një libër’, i kanë dalë zot librit në një kohë shumë të vështirë për librin dhe në një kohë kur libri në mënyrë të padrejtë po skajohet nga aplikacionet e ndryshme, të cilat nuk e zëvendësojnë kurrë atë.

Por këta kanë qëndruar në anën e drejtë, janë marrë me librin dhe një seri temash të tjera.

Kanë zgjedhur sot për të na bashkuar këtu, një simbol të vërtetë të lirisë së shqiptarëve, Azem Hajdarin.

Unë mund tu them këtyre zotërinjve që nuk e kanë njohur, por në historinë tonë kombëtare nuk ka një individ si person, që të ketë bërë më shumë për lirinë e shqiptarëve se sa Azem Hajdari si person”, tha Berisha./ CNA





Lajmet e fundit nga