web counter
LEXO PA REKLAMA!

SHKARKO APP

App Store
Google Play

E fundit!

x

Opozita në zgjedhjet 2025, e copëtuar në 7 grupime

21 Dhjetor 2024, 16:07, Politikë CNA
Opozita në zgjedhjet 2025, e copëtuar në 7 grupime
Foto ilustruese

Zgjedhjet parlamentare të 11 majit 2025 e gjejnë vendin me 7 grupime opozitare.

Grupimi më i madh është ai i Partisë Demokratike. PD do të hyjë në zgjedhje me aleatët, ndërsa kryetari Sali Berisha i ka bërë thirrje partive opozitare të bashkohen në një koalicion.

Opozita në zgjedhjet 2025, e copëtuar në 7 grupime
Kryetari i Partisë Demokratike, Sali Berisha

Një tjetër parti që do të hyjë në zgjedhje është partia “Mundësia” e Agron Shehajt. Ky i fundit ka deklaruar se do të garojë i vetëm.

Adriatik Lapaj me lëvizjen e tij “Shqipëria Bëhet” do të hyjë gjithashtu në zgjedhje. Lapaj ka nisur disa takime me diasporën, ndërsa financimet e tij janë të dyshimta.

Adriatik Lapaj, politikani që është paguar nga fondacioni Soros, i lidhur me Alex Sorosin, “vëllain” e Erion Veliajt, thotë se është kundër qeverisë së Edi Ramës.

Ashtu si Lapaj është edhe Endri Shabani i “Nismës Thurje”, i cili është shkolluar dhe ka punuar për fondacionin Soros.

Të dy këta personazhe kanë ngritur nga një parti të vetën dhe po kërkojnë vota kundër qeverisë.

Opozita në zgjedhjet 2025, e copëtuar në 7 grupime
Adriatik Lapaj dhe Endri Shabani

Një tjetër parti që do të marrin pjesë në garën e 11 majit është LZHK-ja e Dashamir Shehit, i cili ka shkëputur koalicionin me Partinë Demokratike.

Edhe Enkelejd Alibeaj me ish-ushtarët e Lulzim Bashës kanë krijuar me grupimin e tyre “Djathtas 1912” dhe po e shesin si një risi, kur në të vërtetë janë vetëm disa politikanë që shkojnë nga i fryn era.

Opozita në zgjedhjet 2025, e copëtuar në 7 grupime
Lulzim Basha

Nga ana tjetër, Lulzim Basha, një kryetar pa parti, deklaron me bindje se do të hyjë në zgjedhje me listën e tij. Lulzim Basha deklaron se ka akoma për të dhënë, ndonëse e dërgoi opozitën në humbje të njëpasnjëshme.

Këto janë 7 grupimet e opozitës që kanë njoftuar se do të hyjnë në zgjedhjet parlamentare. Disa prej tyre mund të bashkohen, por sërish opozita do të kandidojë e copëtuar kundër mazhorancës./ CNA





Lajmet e fundit nga