web counter
LEXO PA REKLAMA!

SHKARKO APP

App Store
Google Play

E fundit!

x

Rama: “TikTok”-u do të mbyllet plotësisht për një vit, ja kur do hyjë vendimi në fuqi

21 Dhjetor 2024, 13:50, Politikë CNA
Rama: “TikTok”-u do të mbyllet plotësisht për
Kryeministri Edi Rama

Kryeministri Edi Rama ka dhënë detaje për vendimin e qeverisë për të mbyllur platformën e “TikTok”-ut në Shqipëri.

Rama tha se “TikTok”-u do të mbyllet plotësisht për një vit dhe kjo gjë do të realizohet brenda 6-8 javësh.

Kreu i qeverisë deklaroi se gjatë vitit që “TikTok”-u do të mbahet i bllokuar do të monitorohen kufizimet që do të vendosen nga platforma për të marrë një vendim të dytë.

“‘TikTok’-u është rrugaci i lagjes dhe rrugaçin e lagjes ne do ta mbyllim për një vit. Ne ndërkohë kemi bërë të gjithë hulumtimet tona në aspektin teknologjik dhe do të na duhen 6-8 javë, duke filluar nga fillimi i vitit të ardhshëm. Dhe për një vit ‘TikTok’ do ta mbyllim ‘TikTok’-un plotësisht. Pastaj gjatë këtij viti do të shohim si do të veprojnë vendet e tjera, çfarë kufizimesh do të vendosen, si do të reagojë vetë ‘TikTok’-u, se është kompani që rrënjët e veta i ka në Kinë, por po ta shikosh në Kinë dhe jashtë saj janë dy të ndryshëm.

‘TikTok’ në Kinë promovon se si nxënësit bëjnë mirë mësimet, se si ruhet natyra, se si është tradita, etj. Rrugaçërira, dhunë, bullizëm, krim, thika, shpata, revole, euro, dollarë nuk sheh në ‘TikTok’-un e Kinës. Ndërsa në ‘TikTok’-un jashtë Kinës vetëm llum dhe qenëri. Këtë rrugac do ta përzëmë nga lagjia për një vit dhe më pas do të shikojmë se çfarë do të bëjnë të tjerët”, theksoi Rama./ CNA





Lajmet e fundit nga