web counter
LEXO PA REKLAMA!

SHKARKO APP

App Store
Google Play

E fundit!

x

Berisha jep lajmin: Këshilli Konsultativ i Gjyqtarëve Europianë rrëzon vetingun në Shqipëri

20 Dhjetor 2024, 12:42, Politikë CNA

Berisha jep lajmin: Këshilli Konsultativ i Gjyqtarëve Europianë

Kreu i PD-së, Sali Berisha, në konferencën e përjavshme me gazetarët ka bërë me dije se Këshilli Konsultativ i Gjyqtarëve Europianë ka rrëzuar në mënyrë përfundimtare vetingun në Shqipëri.

Lideri i opozitës, Berisha, tha se Këshilli Konsultativ i Gjyqtarëve Europianë pranon se vetingu mund të jetë i lejueshëm si një procedurë e jashtëzakonshme e përdorur vetëm një herë në tranzicionin nga diktatura në një qeveri demokratike të shtetit të së drejtës.

“Së dyti, unë kam një lajm për mbarë shqiptarët.

Këshilli Konsultativ i Gjyqtarëve Europianë rrëzon në mënyrë përfundimtare vetingun në Shqipëri.

Të dashur qytetarë, e vërteta vonon, por kurrë nuk mund të shtypet dhe mohohet.

Ky është dokument i datës 6 dhjetor 2024.

Këshilli Konsultativ i Gjyqtarëve Europianë pranë Këshillit të Europës, çfarë thonë këta për vetingun.

Po lexoj paragrafin kushtuar vetingut: Ndërkohë që ky opinion nuk adreson vetingun, Këshilli Konsultativ i Gjyqtarëve Europianë nuk mund të injorojë këtë çështje në heshtje të plotë.

Vetingu nuk duhet të përdoret si një procedurë zëvendësuese e masave disiplinore.

E ndaluar si procedurë zëvendësuese e masave disiplinore.

Dhe as nuk duhet të përdoret vetingu për të adresuar korrupsionin. Korrupsioni është një vepër penale që duhet të hetohet dhe ndëshkohet sipas të gjitha procedurave.

Këshilli Konsultativ i Gjyqtarëve Europianë pranon se vetingu mund të jetë i lejueshëm si një procedurë e jashtëzakonshme e përdorur vetëm një herë në tranzicionin nga diktatura në një qeveri demokratike të shtetit të së drejtës.

Pra, siç e shihni ju, kjo procedurë, e cila u përdor 1, për të lënë shqiptarët pa drejtësi, për t’u mohuar shqiptarëve të drejtën e një procesi ligjor, nuk e kanë më. Ata që presin 14 vite për një proces civil dhe 10 vite për një proces penal janë të privuar nga procesi i duhur ligjor që e garanton Kushtetuta dhe Konventa Europianë të Drejtave të Njeriut.

Vetingu, thotë, nuk duhet të përdoret për të adresuar korrupsionin sepse përdorimi i tij është vetëm gjueti shtrigash.

Imagjinoni ju, Altin Dumani me tri shtëpi dhe një të ndërtuar nga vjehrri dhe kisha, vazhdon e kryeson Skapin, në një kohë kur një gjykatëse ka dalë nga sistemi për një garsionere të privatizuar nga i ati në vitin 1996.

Tjetra ka dalë për rrogën qindarkë për qindarkë që i ati i ka kthyer nga dita e daljes në punë gjer në ditën e martesës.

Pra, ky është procesi më i korruptuar që ka njohur ndonjëherë Europa, ky është akti më i turpshëm”, tha Berisha./ CNA





Lajmet e fundit nga