web counter
LEXO PA REKLAMA!

SHKARKO APP

App Store
Google Play

E fundit!

x

Berisha, mesazh të rinjve demokratë/ “Një lider nuk duhet të ketë frikë”

21 Dhjetor 2024, 11:15, Politikë CNA
Berisha, mesazh të rinjve demokratë/ “Një lider nuk duhet
Kryetari i PD-së, Sali Berisha

Këtë të shtunë po zhvillohet dita e dytë e trajnimit për Forumin Rinor të Partisë Demokratike të Shqipërisë, me ekspertë të fushatave zgjedhore nga SHBA dhe Britania e Madhe.

Në trajnim mbajti një fjalim edhe kryetari i PD-së, Sali Berisha, i cili dha një mesazh për të rinjtë demokratë.

Berisha tha se një lider nuk duhet të ketë frikë, pasi e cilësoi frikën si pushtuesin më të madh.

Ish-kryeministri deklaroi se një lider mund ta realizojë vizionin e tij vetëm me krijimin e një ekipi

“Meqenëse sot çështja është për lidershipin, unë do ju shpreh ju disa mendime të mia. Një lider nuk duhet të ketë frikë. Nuk ka pushtues më të keq për njeriun se sa frika. Kurrë nuk duhet ta harroni këtë.

Ndaj dhe thirrja e Papa Gjon Palit II, drejtuar njerëzve në vitet e fundit të diktaturave komuniste në Europë, ‘mos u frikësoni’, ajo ishte për të gjithë qytetarët, por një lider nuk duhet t’i dorëzohet frikës asnjëherë. Duhet të tregojë forcë dhe determinizëm, në asnjë mënyrë arrogancë.

Bashkëpunimi është rruga e vetme që ju të realizoni vizionet dhe projektet tuaja. Në këtë bashkëpunim ka një sekret, ekipi. Puna në ekip.

Një lider sot mund të realizojë vizionin e tij vetëm me krijimin e një ekipi. Kur shkojmë tek ekipi, kurrë mos përfillni, mos u merrni me dobësitë e anëtarëve të tij. Merruni vetem me talentet, me dhuntitë, me aftësitë e anëtarëve të tij.

Në qoftë se ju i injoroni të parat dhe merrni të dytat, ju arrini të shumëfishoni performancën dhe arrini, ju garantoj, gjëra të jashtëzakonshme.

Ato të cilat duken të pamundshme, ato të cilat duken utopira, në qoftë se ju punoni me një ekip, tek i cili bazoheni në cilësitë më të arrira të gjithsecilit, ato së bashku bëjnë mrekullira. Ato së bashku bëjnë shumë më tepër nga ç’mund të mendohet.

Ndaj dhe e domosdoshme është që një lider të ketë ekip, dhe me ekipin të funksionojë pra në këtë mënyrë”, nënvizoi Berisha./ CNA





Lajmet e fundit nga