web counter
LEXO PA REKLAMA!

SHKARKO APP

App Store
Google Play

E fundit!

x

Gazment Bardhi thumbon Ramën: Të kritikosh vëllain në publik, thikë pas shpine

20 Dhjetor 2024, 14:14, Politikë CNA

Gazment Bardhi thumbon Ramën: Të kritikosh vëllain në

Kreu i grupit parlamentar të PD-së, Gazment Bardhi, ka thumbuar kryeministrin Edi Rama në mbledhjen e dy kuvendeve në Prishtinë.

Bardhi është shprehur se kritikat dhe këshillat e dhëna vëllait në publik e dobësojnë në arenën ndërkombëtare dhe janë një thikë pas shpine.  

"Mund te flisja gjatë për atë se çfarë ka ndodhur në Shqipëri gjatë 10 viteve të fundit, por ky nuk është as vendi dhe as rasti. 

Ne kemi një traditë që vëllait nuk ia themi as kritikën e as këshillën në publik, por ia themi kur jemi vetëm e me zë të ulët që mos të dëgjohet jashtë. Sepse kur kritika a këshilla i thuhet vëllait publikisht, kjo e lëndon atë, ia dobëson pozitën në arenën ndërkombëtare dhe është thikë pas shpine vëllait tonë, Kosovës.

Tradita e shqiptarit e do që në shtëpinë e vëllait, motrës, mikut, ku ne jemi sot të gjithë të sillesh me nderim e respekt e mos ta përdorësh për të larë hesapet me të ftuarit e tjerë. Unë nuk kam dëshirë ta prish këtë traditë fisnike të popullit tonë, edhe pse një prej parafolësve të mi u përpoq ta transferonte debatin tonë të brendshëm politik në këtë sallë të nderuar", tha Bardhi./ CNA





Lajmet e fundit nga