web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti i Këshillit të Europës/ Berisha: Vetingu, gjah shtrigash

20 Dhjetor 2024, 13:09, Politikë CNA

Dokumenti i Këshillit të Europës/ Berisha: Vetingu, gjah

Kreu i PD-së, Sali Berisha, ka publikuar dokumentin e Këshillit të Europës që rrëzon në mënyrë përfundimtare vetingun në Shqipëri.

Berisha nënvizon se nuk lejohet vetingu për korrupsionin sepse e përdor atë për gjah shtrigash dhe e amniston korrupsionin.

“Siç e patë, vetingu lejohet vetëm pas diktaturave kur janë kryer krime kundër njerëzimit, janë kryer krime monstruoze dhe ata gjykatës mbi bazën e asaj analize duhet të votohen të vazhdojnë apo jo.

Nuk lejohet vetingu për korrupsionin sepse faktikisht e përdor atë për gjah shtrigash. Dhe faktikisht e amniston korrupsionin.

Pra, ky është procesi...

Natyrisht kjo është një betejë jo e lehtë, një betejë e vështirë dhe e gjatë, por një betejë e fituar.

Edhe njëherë garantoj qytetarët shqiptarë se PD, nesër në qeveri, në bashkëpunim me Komisionin e Venecias, këtë dokument, se ky është një dokument mbi disiplinimin e gjykatësve, normat dhe kriteret e përcaktuar për disiplinimin e gjykatësve, është dokument themelor për Europës dhe dokument i shkëlqyer”, tha Berisha.

Lideri i opozitës u shpreh se dokumentin e Këshillit të Europës dhe dokumente të tjera të Komisionit të Venecias, me të ardhur PD në pushtet do të shndërrohen në ligje themelore të Reformës në Drejtësi.

“Këtë dokument dhe dokumente të tjera të Komisionit të Venecias, i cili ka ekspertizën më të mirë, më të arrirë në fushën e jurisprudencës, ne do i shndërrojmë në ligje themelore të reformës në drejtësi”, përfundoi ish-kryeministri Berisha./ CNA





Lajmet e fundit nga