web counter
LEXO PA REKLAMA!

SHKARKO APP

App Store
Google Play

E fundit!

x

Mandarinat me pesticide dhe kremi i orizit me arsenik/ Muçollari ngre alarm

21 Dhjetor 2024, 11:07, Politikë CNA
Mandarinat me pesticide dhe kremi i orizit me arsenik/ Muçollari ngre
Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari, denoncoi këtë të shtunë ngarkesat me mandarina të prodhuara në Shqipëri, të cilat janë kthyer nga disa vende të BE-së për përmbajtje të lartë të pesticideve të ndaluara.

Muçollari ngriti alarmin për sigurinë ushqimore, ndërsa hodhi akuza ndaj AKU-së, Ministrisë së Bujqësisë dhe qeverisë.

Gjithashtu, ai ngriti shqetësim edhe për kremin e orizit biologjik, një ushqim për foshnja që është importuar në vendin tonë.

Anëtari i Kryesisë së PD-së deklaroi se Italia ka konstatuar përmbajtje arseniku dhe ka dhënë alertin për përdorimin e kremit të orizit, por AKU ka reaguar vetëm pas dy javësh.

Deklarata e plotë:

Me gjithë shqetësimet e ngritura, me gjithë denoncimet, nuk ka përmirësim në sigurinë ushqimore, që është një nga elementet më të rëndësishme në jetën tonë. Është tronditëse që ditet e fundit ngarkesa të mëdha me mandarina prodhim i yni, janë kthyer mbrapsht nga disa vende të BE duke nisur nga Kroacia, për shkak të përmbatjes së lartë të pesticideve, të demshme për jetën. Kjo ndodh sepse fermerin tonë askush nuk e asiston, nuk e monitoron, nuk e ndihmon. AKU nuk ekziston.

Ato mandarina me permbajtje të ketyre elementeve të rrezikshme me siguri që janë në tregun tonë dhe po konsumohen edhe tani që flasim. Pse? Sepse AKU, Ministrja e Bujqësisë dhe qeveria nuk bëjnë detyrën.

Plehrat kimike dhe pesticidet qe ju ofrohen fermerëve nuk kontrollohen per përmbajtjen reale te tyre. Nuk jane te paktat rastet kur fermerët kane zbatuar protokollet ne menyre rigoroze por me pas produktet i janë kthyer ne kufijtë e BE se.

Institucionet Shqiptare nuk ekzistojnë.

Sot do ti referohemi nje tjetër rasti, i cili ka të bëjë me kremin e orizit biologjik, ushqim per foshnja.

Një produkt importi ky i futur në tregjet tona.

Mandarinat me pesticide dhe kremi i orizit me arsenik/ Muçollari ngre

Italia ka konstatuar përmbajtje arseniku, dhe e quan shumë shqetësues si rast. Me 3 dhjetor, ata kanë dhënë alertin. E tregon kjo fotoja këtu. Kanë njoftuar mbi këtë rrezik. Çfarë bën AKU?

AKU reagon pas dy javësh. Agjensia jonë, u thotë konsumatorëve dhe qytetarëve të bëjnë kujdes, 14 ditë pas marrjes së alertit.

Siç shihet nga kjo fotoja.

Mandarinat me pesticide dhe kremi i orizit me arsenik/ Muçollari ngre

Pra produkti ka pasur kohën e mjaftueshme për fat të keq për të qarkulluar në çdo dyqan, për t’u blerë dhe për t’u konsumuar.

Ndërkohë kemi të tjera raste të cilat lidhen me përmbajtjen e dioksidit te Sulfuri në kanellë si dhe prani të kadiumit ne spinaq te importuar.

Mandarinat me pesticide dhe kremi i orizit me arsenik/ Muçollari ngre

Të dyja rastet janë raportuar nga BE në tetor të këtij viti ndërsa AKU i ka raportuar 1 muaj me vonesë.

Mandarinat me pesticide dhe kremi i orizit me arsenik/ Muçollari ngre

Pra produktet kanë pasur kohën e mjaftueshme prap për fatin e keq për të qarkulluar në çdo dyqan, për t’u blerë dhe për t’u konsumuar.

Kush mban përgjegjësi për këto raste?

Ndërkohë ne nuk dimë asnjë masë të marrë, asnjë ndryshim, asnjë reflektim nga ana e qeverisë, e Ministres së Bujqësisë që e ka në varësi direkte këtë sektor, pas shumë dëshmive që ne dhe mediat kemi sjellë gjatë këtij viti për dështimin e AKU.

Këto janë jo vetëm mospërmbushje e detyrës, por dhe më keq, shkelje të rënda. Janë abuzim, shpërdorim detyre që duhet të ndiqen penalisht e përgjegjësit të dalin para ligjit.

Siguria ushqimore është po aq e rëndësishme sa siguria kombëtare.

Partia Demokratike do të hartojë një platformë e do të angazhohet me gjithë burimet e saj që siguria ushqimore të mos mungojë në Shqipëri. Do të bëjmë gjithçka që të ketë siguri ushqimore për fëmijët tanë, për prindërit tanë, dhe për çdo qytetar./ CNA





Lajmet e fundit nga