web counter
LEXO PA REKLAMA!

SHKARKO APP

App Store
Google Play

E fundit!

x

Masat e Ramës/ Institut për fëmijët problematikë dhe program fermash në shkolla

21 Dhjetor 2024, 14:32, Politikë CNA
Masat e Ramës/ Institut për fëmijët problematikë dhe
Kryeministri Edi Rama

Së shpejti do të ndërtohet institucioni i fëmijëve në konklikt me ligjin.

Lajmin e bëri të ditur kryeministri Edi Rama gjatë takimit me prindër dhe mësues.

Gjithashtu, Rama tha se qeveria po harton programin e fermës në shkollë.

Ai deklaroi se Ministria e Mbrojtjes dhe Policia e Shtetit do të bëjnë një tjetër program të dedikuar për fëmijët.

“Problem sot nuk janë fëmijët tanë, jemi ne shoqëria jonë, janë ‘TikTok’ dhe të gjithë ‘TikTok’-ët që na i mbajnë peng fëmijët, njësoj si rrugaçi i lagjes që është personazhi më tërheqës, ai nuk është i pari i klasës, por ai që të mëson si të ikësh nga mësimi si të bësh qejf, ja thika dhe ja kjo ja ajo. Ky është ‘TikTok’-u, do ta përzëmë për një vit pastaj të shohim. Do ta kthejmë në një vit pune dhe financimi që çdo  ministri dhe institucion në Shqipëri duhet të ketë programin e vet për fëmijët. Ne jemi duke ndërtuar në spitalin pediatrik një program për të çuar shkollën tek fëmijët dhe fëmijët të kenë mundësi që të bëjnë edhe shkollë me një program të lehtësuar që është një model që e kemi marr nga Izraeli. 

Ne jemi në proces për të ndërtuar institucionin e fëmijëve në konflikt me ligjin që është një model europian për ata fëmijë që kanë kryer një vepër që s’mund të çohen në burg, sepse aty dalin më problematik sesa hyjnë dhe së shpejti do të lançojmë fillimin e ndërtimit për të. Ashtu si programi i fermës në shkollës që e kemi nisur. Është program i Ministrisë së Bujqësisë dhe i Ministrisë së Arsimit dhe një program i prodhimit dhe i shitjes së atyre produkteve që fëmijët të kuptojnë se domatja nuk prodhohet në ‘TikTok’ dhe që marrëdhëniet s’janë ato të ‘TikTok’, por ato të jetës reale. Ministria e Mbrojtjes, Policia e Shtetit do të ketë ketë një program të dedikuar për fëmijët. Ne duhet që t’i lidhim fëmijët me jetën reale. Çfarë është bërë në këto vite për të transpofmuar shkollën, kemi 12 mijë fëmijë të angazhuar në aktivitet sportiv sot”, theksoi kreu i qeverisë./ CNA





Lajmet e fundit nga