web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për mbylljen e "TikTok"/ Zhupa: Frikë nga antipropaganda qeveritare

21 Dhjetor 2024, 16:32, Politikë CNA
Vendimi për mbylljen e "TikTok"/ Zhupa: Frikë nga
Deputetje e Partisë Demokratike, Ina Zhupa

Vendimi për mbylljen e rrjetit social “TikTok” erdhi si pasojë e ngjarjes së rëndë të ndodhur pak javë më parë në afërsi të shkollës “Fan Noli”, pas një sherri ku mbeti i vrarë një 14-vjeçar dhe u plagos bashkëmoshatari i tij.

Mbyllja e “TikTok” për 1 vit me vendim të qeverisë, nuk është pritur edhe aq mirë nga pala kundërshtare e mazhorancës.

Deputetje e Partisë Demokratike, Ina Zhupa e shikon këtë veprim të qeverisë si një akt elektoral të pastër, pasi sipas saj Rama ka frikë nga antipropaganda qeveritare. 

Në postimin e saj, Zhupa u shpreh se qeverisë nuk ja ka fajin “TikToku” për problemet që ka shkolla dhe nxënësit.

Ajo theksoi se “Fushata elektorale po e tmerron Ramën, po e shfazon dhe po bën përpëlitjet e fundit të censurës.”

"Të shfrytëzosh vrasjen e një 14 vjecari për të zgjidhur hallet personale me rrjetet sociale që nuk kontrollon dot, është vrasje e dyfishtë dhe akt i rëndë ndaj lirisë.

Rama sot lajmëroi se arsimi i dështuar qënka faj i Tik Tokut, se thikat në shkolla i fuska Tik Toku, se drogën në shkolla e coka Tik Toku, se mësimin me dy turne e bën Tik Toku, se mungesën e rezultateve në testin Pisa e manipulon Tik Toku, se mungesën e aktiviteteve në shkolla e ka faj Tik Toku, se ministren e dështuar ja vuri Tik Toku, se paratë e arsimiti vidhka Tik Toku. Edhe pasi gjeti “fajtorin” do e mbyll atë për 1 vit.

Vendimi diktatorial për mbylljen e një rrjeti social si TikTok që nuk po e kontrollonte dot është akt i rëndë kundër lirisë së shprehjes dhe demokracisë. Është akt elektoral i pastër dhe përdorim i pushtetit për të shtypur liritë.

Fushata elektorale po e tmerron, po e shfazon dhe po bën përpëlitjet e fundit të censurës. Rezultati që mori Trump te rinia kryesisht nga Tik Tok, ishte prova që duhej mbyllur për Ramën.

Rama shpall se do mbyll sa për fushatë Tik Tokun ku del me keq se kudo, ku ska dot reporte dhe shadowban, ku ska dot app “Aktivisti”, dhe i kanë dalë nga kontrolli propagandës.

Po si kaloi Edi Rama nga mikpritës i yjeve të Tik Tok, nga tik-tokist për vete, nga marrëveshja AMA- Tik Tok te vendimi për mbyllje?! E thjesht pamundësia për ta kontrolluar dhe ju kthimi i tij në një mjet i fuqishëm antipropagandë qeveritare."/CNA





Lajmet e fundit nga