web counter
LEXO PA REKLAMA!

SHKARKO APP

App Store
Google Play

"Non-grata e bazuar në lobimin e korruptuar të Ramës dhe Soros"/ Berisha: Nuk jam gati të tërhiqem

21 Dhjetor 2024, 18:06, Politikë CNA
"Non-grata e bazuar në lobimin e korruptuar të Ramës dhe
Sali Berisha dhe Alice Taylor

I ftuar në podkastin “Inside Albania” me Alice Taylor, ish-kryeministri dhe njëherazi kreu i Partisë Demokratike Sali Berisha ka folur për disa çështje të ndryshme sa i takon jetës politike.

 I shpallur prej kohës tashmë “non grata” nga Shtete e Bashkuara të Amerikës, Berisha u shpreh se atë e sanksionoi Edi Rama dhe George Soros.

"Në politikë duhet të jesh i përgatitur. Edi Rama, pasi loboi me George Soros kundër meje, më shpalli non grata për korrupsion madhor, me një firmë nga Antony Blinken, që është personi që e ka përgëzuar më së shumti Sali Berishën për suksesin në luftën kundër korrupsionit. George Soros dhe Edi Rama më sanksionuan. Përse? Tetë vite pas largimit tim, unë nuk isha vendimmarrës, por ruaja interesin kombëtar dhe publik sipas mendimeve të mia. Ata kujtuan se me atë përcaktim, do më arkivonin në shtëpinë e harresës, por i bënë llogaritë gabim. Pse? Sepse unë po largohesha, por ky zotëria, Antony Blinken, më lëndoi dinjitetin duke më shpallur non grata. I shkrova një letër pasi lexova vendimin e tij. Z. Sekretar, keni marrë këtë vendim. Fillimisht, mund t’ju them se ai është i bazuar në lobimin e korruptuar të Edi Ramës dhe George Soros. Jua them sinqerisht, nuk dija asgjë për lidhjet familjare mes familjeve Blinken dhe Soros, por mendova se askush tjetër nuk mund ta bënte këtë lobim përveç tij."

Berisha shtoi se nëse do kishin paraqitur qoftë edhe një provë për korrupsion, do të lija politikën përgjithmonë.

"Së dyti, z. Sekretar, kur ju të paraqisni një provë të vetme për korrupsionin tim, atëherë unë do i them mirupafshim politikës përgjithnjë. Së treti z. Sekretar, nuk ju kërkoj të ndryshoni vendimin, por unë do ju padis në gjykatë dhe do ju jap mundësinë të paraqisni të gjitha faktet dhe dokumentet tuaja. Unë nuk po loboja. Vendosa të mbroja dinjitetin tim në gjykatë në Paris. Ky ishte vendimi im. I thashë kreut të partisë të mos përfshihej. Partia nuk duhej të përfshihej. Ne jemi një parti pro-perëndimore dhe pro-amerikane. Të tillë mbetemi. Unë do të luftoj vetë për veten, ndihem mjaftueshëm i fuqishëm për ta bërë. Punoja me gjykatën dhe median, kryesisht atë amerikane. Në 30 korrik, Philip Reeker, një person me të cilin kisha punuar shumë afër, erdhi në Shqipëri dhe i kërkoi kryeministrit dhe Lulzim Bashës, si kryetar partie, që Berisha të mos hynte në parlament. Kur kryetari ma tregoi këtë, i thashë se duhet të përcillte mesazhin pasues. Asnjë vend nuk ka bërë më shumë për lirinë e shqiptarëve se Shtetet e Bashkuara, por ata kurrë nuk kanë hartuar listën e deputetëve. Nëse ata e bëjnë këtë, cenojnë sovranitetin e kombit. Këtë unë nuk e pranoja kurrë. Kryetari ishte një person i dobët. Një ditë para se të niste parlamenti, ai doli dhe ju tha shqiptarëve se për shkak të presionit të tmerrshëm nga ambasadorja amerikane, dhe për hir të Shqipërisë, PD-së, dhe Sali Berishës, ai kishte vendosur ta përjashtonte Berishën. E telefonova kryetarin dhe i thashë se ky vendim ishte tërësisht kundër ligjeve të partisë. Ai duhet të mblidhte grupin parlamentar, këshillin kombëtar të partisë, ose konventën, që të votonin largimin tim. Nëse do ishte votuar, unë do e kisha pranuar, por ai u përgjigj publikisht se nuk do bënte asnjë takim anti-amerikan. I thashë se këto janë takime shumë amerikane, për sundimin e ligjit. Ai refuzoi. Më pas, ndërmora iniciativën ligjore, mblodha 62% të firmave dhe mbajtëm konventën e partisë."





Lajmet e fundit nga