web counter
LEXO PA REKLAMA!

SHKARKO APP

App Store
Google Play

“Bashkia e Tiranës, betejë e fortë”/ Klosi: PS është gati për garën, fatkeqësi që PD nuk ka gjetur kandidat

25 Shtator 2025, 10:39, Politikë CNA

“Bashkia e Tiranës, betejë e fortë”/ Klosi: PS

Sekretari i Përgjithshëm i PS-së, Blendi Klosi, tha se Partia Socialiste është gati për garën për Bashkinë e Tiranës, që sipas tij do të jetë betejë e fortë.

I ftuar në një emision televiziv, Klosi u shpreh se socialistët janë në pritje edhe të kandidatit të opozitës dhe e cilësoi si fatkeqësi që nuk kanë arritur ende të gjejnë kandidatë.

Klosi komentoi edhe shkarkimin e kryebashkiakut të arrestuar të Tiranës, Erion Veliaj, teksa theksoi se Tirana ka nevojë për qeverisje.  

“Jemi të gatshëm për garën e Tiranës që besoj do të jetë e fortë. Presim që dhe opozita të ketë kandidatin e saj. Por duket se kjo është e vështirë për ta. Është fatkeqësi për vendin që kemi një opozitë, e cila nuk arrin të gjejë kandidatë, pasi kandidatët po i tërhiqen nga gara. Procesi i ndalimit të Veliajt pa asnjë shkak ishte problem. Kjo situatë zgjat prej 7 muajsh. Nga ana tjetër ne nuk mund të prisnim pa fund. PS nuk ndërhyn te drejtësia, por Tirana ka nevojë për qeverisje. Drejtësia ka punën e saj, ne kemi detyrë të qeverisim. Manastirliu është një figurë shumë e mirë për qeverisjen e Tiranës”,-tha Klosi./CNA





Lajmet e fundit nga