web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Veliajt/ Klosi: I nevojshëm për mirëqënien e Bashkisë së Tiranës

24 Shtator 2025, 17:23, Politikë CNA

Shkarkimi i Veliajt/ Klosi: I nevojshëm për mirëqënien e

Sekretari i Përgjithshëm i Partisë Socialiste, Blendi Klosi ka komentuar shkarkimin e Erion Veliajt një ditë më parë në mbledhjen e Këshillit Bashkiak.

Në një intervistë për Klan News, Klosi tha se shkarkimi i tij ishte i nevojshëm për mirëqënien e Bashkisë së Tiranës.

"Shkarkimi i Veliajt ishte i nevojshëm për mirëqënien e Bashkisë së Tiranës.

Ka një kërkesë të këshilltarëve socialistë për të aktivizuar nenin e shkarkimit të Veliajt për t’i hapru rrugën zgjedhjeve që Bashkia e Tiranës të marrë një drejtues me votë. Është një vendim i marrë për të vijuar jetën e qytetit”, tha Klosi.

Më tej tha se sapo të ketë një vendim të Këshillit të Ministrave do të shkohet me kërkesën për zgjedhjet e parakohshme në Tiranë dhe në 5 bashkitë e tjera.

“Menjëherë sapo të kemi një vendim të Këshillit të Ministrave, do shkohet me kërkesën për garën e Tiranës por edhe bashkie të tjera.

Punët vazhdojnë në bashki. Këshillat kanë caktuar nënkryetar si drejtues pune por është ndryshe me një kryetar të zgjedhur”, deklaroi Klosi.

Sa i përket kohës së zgjedhjeve Klosi u shpreh se sipas Kodit duhet të zhvillohen në muajt shtator-tetor.

“Kodi përcakton shtator-tetor që mund të bëhen zgjedhjet por këto janë zgjedhja jashtë normalitetit. E mira do të ishte të mos shkonim shumë në dimër, pasi nuk lejon të bëhet fushata e plotë, por i takon legjislacionit dhe vendimit të presidentit”, sqaroi Klosi.

I pyetur nëse duhej që Veliaj të ishte në mbledhjen e një dite më parë në Këshillin Bashkiak, Klosi tha:

“Ajo ishte një seancë e cila nuk ishte krejt normale. Veliaj ishte i izoluar nga organet dhe lejen për të dalë apo jo e japin oragnet e drejtësisë.

Nuk ka një precedent se nuk është rasti që ai të ishte pjesë e këshillit, është një raport me drejtësinë.

Sa më shpejt të bëhen zgjedhjet për kryetar aq më mirë për kryeqytetin”./ CNA





Lajmet e fundit nga