"Në 3 sekonda u zhbë ylli në ngjitje i PS-së"/ Këlliçi: Këto ditë kalon për gjykim dosja e teatrit

24 Shtator 2025, 16:09, Politikë CNA

"Në 3 sekonda u zhbë ylli në ngjitje i PS-së"/

Deputeti i Partisë Demokratike, Belind Këlliçi, i ftua në "Ora News" ka analizuar votimin unanim nga Këshilli Bashkiak i Tiranës për shkarkimin e Erion Veliajt.

Këlliçi tha se opozita protestoi për 44 javë dhe kjo protestë ka qenë më e gjata në pluralizmin shqiptar, duke denoncuar aferat si “5D”-ja, “ECO Tirana”, inceneratori i Tiranës, apo shembja e teatrit.

Për sa i përket dosjes së teatrit kombëtar të depozituar në SPAK nga Aleanca për Mbrojtjen e Teatrit Këlliçi ndau lajmin se sipas informacionevë që ai disponon kjo dosje do të kalojë për gjykim së shpejti.

Deputeti demokrat tha se dje në 3 sekonda u zhbë ylli i PS-së dhe i ambasadave.

"Protesta para Bashkisë Tiranë për 44 javë ka qenë e paprecedentë për pluralizmin shqiptar. Është protesta më e gjatë e organizuar nga një parti politike. Së bashku me Aleancën për Mbrojtjen e Teatrit që ka 7 vite në protestë.

Sipas informacioneve, çështja e Teatrit Kombëtar kalon këto ditë për gjykim, ku Erion Veliaj është aktor kryesor.

Protesta ka qenë për një kauzë të drejtë për vjedhjen e zgjedhjeve të 2023 dhe vjedhjeve të vazhdueshme ndaj qyetarëve.

Ka qenë '5D', 'ECO Tirana', inceneratori i Tiranës, afera e plehrave, shembja e Teatrit Kombëtar.

Që ka ardhur koha që në Bashkinë e Tiranës duheshin zgjedhje për këtë kam qenë i bindur. Veliaj do të shkojë në koshin e historisë si personi më i korruptuar, u pompua nga Rama dhe Soros dhe ashtu u shfry në kohë rekord.

Veliajn dje e kanë shkarkuar, sepse ne nuk i kemi pasur numrat, vërtet e bëmë kërkesën në maj, por u shty me 4 muaj sepse nuk e futën në rend dite. Dje mjaftuan 3 sekonda që të zhbëhej ylli në ngjitje i PS-së dhe i ambasadorëve të korruptuar.

Ambasadorët ndërkohë që opozita ishte në protestë na tregonin se shembulli i transparencës ishte Erion Veliaj.

Tirana është gdhirë e çliruar, Veliaj i ka bërë një dëm të pariparueshëm. Thithim ajrin më të ndotur dhe kemi trafikun më të rënduar në Europë", tha Këlliçi./CNA