web counter
LEXO PA REKLAMA!

SHKARKO APP

App Store
Google Play

“Po e bëni këtë Parlament qesharak”/ Boçi: Në seancën e kaluar folën vetëm 4 deputetë

24 Shtator 2025, 11:20, Politikë CNA

“Po e bëni këtë Parlament qesharak”/ Boçi:

Deputeti i Partisë Demokratike, Luçiano Boçi, e cilësoi Parlamentin qesharak dhe jashtë funksionit.

Në fjalën e tij në Kuvend këtë të mërkurë, Boçi u shpreh kritik mbi lirinë e fjalës nga deputetët në seancën e kaluar plenare, ku theksoi se gjatë saj folën vetëm katër deputetë dhe ministrja Diella.

“Po e bëni këtë Parlament komplet qesharak dhe po e nxirrni jashtë funksionit. Nëse do të doja ta përkufizoja do të përdorja fjalët e një përfaqësuesi tuaj qeveritar, në ato filozofimet e veta që konkurronin edhe Diellin.

Ju atë që është e domosdoshme, që është e mundur, ju e bëni të pamundur këtu në Parlament, bëni të pamundur fjalën e opozitës, po i referohem fjalës që mbajti një anëtar i juaji këtu.

Dhe me krenari kryetari i grupit tuaj parlamentar tha nuk keni folur. Nuk keni turp mo që ne nuk kemi folur? Nuk keni turp që ministrat tuaj nuk kanë folur? Është për procesverbalin. Mos më ndërprisni. Ju pretendoni se votëbesimi është marrë me ngritje kartoni, çfarë janë këto ligje, çfarë janë këto gërma.

Këta janë njerëz që dalin aty për të marrë votëbesimin e qytetarit. Katër persona folën këtu, Diella e para, kryeministri, Balla dhe keni folur ju, nuk ka ndodhur, e tha zoti Berisha, nuk ka ndodhur në historinë e parlamentarizmit, të ketë 4 folës dhe të kalojë në votim”,-tha Boçi./CNA

 





Lajmet e fundit nga