web counter
LEXO PA REKLAMA!

SHKARKO APP

App Store
Google Play

E fundit!

x

"Partneriteti i SHBA-së, vlerë e çmuar"/ Lamallari pret në takim Nancy VanHorn

24 Shtator 2025, 10:53, Politikë CNA

"Partneriteti i SHBA-së, vlerë e çmuar"/ Lamallari

Ministri i Drejtësisë, Besfort Lamallari, ka pritur në një takim të Ngarkuarën me Punë të Ambasadës së SHBA-së në Tiranë, Nancy VanHorn.

Me anë të një postimi në rrjetet sociale, Lamallari bën me dje se në takim është diskutuar ecuria e reformës në drejtësi dhe forcimi i shtetit të së drejtës.

Më tej, ministri thotë se mbeten të përkushtuar për forcimin e kapaciteteve në institucionet e drejtësisë. Lamallari thotë se partneriteti dhe mbështetja e SHBA-së janë një vlerë e çmuar.

“Kënaqësi të prisja sot në takim të Ngarkuarën me Punë të Ambasadës së SHBA në Tiranë, znj. Nancy VanHorn. Diskutuam për ecurinë e zbatimit të reformës në drejtësi, sundimin e ligjit dhe forcimin e shtetit të së drejtës, për ta bërë të pakthyeshëm progresin e arritur deri më tani dhe për të garantuar anëtarësimin në BE brenda vitit 2030. Mbetemi të përkushtuar të forcojmë kapacitetet tona në institucionet e drejtësisë dhe sistemin penitenciar, si dhe të intensifikojmë bashkëpunimin dypalësh. Partneriteti strategjik me SHBA-në dhe mbështetja e vijueshme e tyre në shumë reforma kyçe, për ne kanë një vlerë të çmuar”, shkruan ministri Lamallari./CNA





Lajmet e fundit nga