E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

"Veliaj iku si simbol i abuzimit dhe paligjshmërisë"/ Bardhi: Ora e drejtësisë trokiti, ra pa mëshirë

23 Shtator 2025, 19:24, Politikë CNA

"Veliaj iku si simbol i abuzimit dhe paligjshmërisë"/

Kryetari i Grupit Parlamentar të Partisë Demokratike, Gazment Bardhi reagon për votimin e shkarkimit të kryebashkiakut të Tiranës, Erion Veliaj nga Këshilli Bashkiak i Tiranës.

Bardhi shprehet se Veliaj u largua pa pasur mundësinë të thotë asnjë fjalë, pa dhënë lamtumirën dhe si simbol i korrupsionit. dhe ky sipas tij është mesazh dhe paralajmërim për fundin e atyre zyrtarëve që kanë vjedhur votat duke i shërbyer Edi Ramës.

Bardhi shkruan se ora e drejtësisë vjen dhe se engjëlli mbrojtës i të korruptuarve do të mjaftohet me një psherëtimë që nuk ishte ai i radhës, referuar kryeministrit Rama.

"Erion Veliaj, shëmbylltyra e Edi Ramës në krye të Bashkisë Tiranë u shkarkua sot me votat unanime të Këshillit Bashkiak Tiranë. Ai iku nga drejtimi i bashkisë më të madhe në vend pa pasur mundësi të thoshte asnjë fjalë, t'i jepte dorën askujt dhe as të thoshte lamtumirë. Ai iku si funksionari simbol i korrupsionit, abuzimit dhe paligjshmërisë në krye të punëve të kryeqytetit.

I sotshmi nuk ishte një mesazh thjesht dhe vetëm për Erion Veliajn. Shkarkimi i sotëm ishte një paralajmërim për fundin që i pret të gjithë ata zyrtarë socialistë që në shërbim të Edi Ramës kanë vjedhur votat, kanë abuzuar me pushtetin, kanë shpërdoruar detyrën dhe kanë përvetësuar pasuritë publike.

I njëjti fund që pret pas dere ministrat, deputetët dhe kryebashkiakët e korruptuar të Edi Ramës, duke filluar nga Belinda Balluku. Ora e së vërtetës dhe drejtësisë mund të vonojë. Por, e sigurt është që ajo gjithmonë vjen. Dhe kur vjen, bie pamëshirshëm mbi të gjithë ata që privilegjin e rrallë të të shërbyerit të qytetarëve e shpërdoruan për ambicien, pushtetin dhe pasurimin personal. Kur ajo orë të vijë, "ëngjëlli mbrojtës" i të korruptuarve do të mjaftohet me një psherëtimë keqardhje të jashtme dhe ngërdheshjeje të brendshme që edhe kësaj here nuk ishte ai i rradhës", shkruan Bardhi/CNA