web counter
LEXO PA REKLAMA!

SHKARKO APP

App Store
Google Play

E fundit!

x

"Protestuan 'Lali Eri o flori' sot e përcollën si kufomë"/ Blushi: Janë amfibë, vetvulosën damkën në ballë

23 Shtator 2025, 18:38, Politikë CNA

"Protestuan 'Lali Eri o flori' sot e përcollën si

Kryetari i Grupit Parlamentar të Partisë së Lirisë, Tedi Blushi në një postim në rrjetet sociale ka komentuar shkarkimin e kryebashkiakut të Tiranës, Erion Veliaj.

Blushi thotë se vota e socialistëve ishte një votë për vetshkarkimin e tyre.

Deputeti Blushi shkruan se ata që protestonin “Lali Eri o flori po të presim në bashki” sot e përcollën si kufomë.

Blushi hedh akuza për Braimllarin duke e quajtur amfib të neveritshëm që fshihet pas këshilltarëve socialistë dhe pse atje shkoi me votat e opozitës.

 

"Vota e këshilltarëve të PS për shkarkimin e Erion Veliajt është po ashtu një votë për (vet)shkarkimin e tyre.

Ata kanë mbështetur me votë dhe legjitimuar çdo aferë korruptive, çdo akt kriminal dhe çdo shkatërrim të qëllimshëm të Tiranës.

Të njëjtët që u ngritën në protesta me thirrjet “Lali Eri, o flori, po të presim në Bashki”, sot e përcollën nga Bashkia si kufomë politike.

Pa votat e tyre korrupsioni dhe krimet e Erion Veliaj do të ishin thuajse akte në tentativë.

Depersonalizimi i tyre është dëshmi e papërgjegjshmërisë në raport me interesin publik dhe taksat, i verbërisë politike dhe mungesës së shtyllës kurrizore dhe integritetit.

Nuk po flas për ata/o amfibë/e të neveritshëm që, me votat e opozitës, u infiltruan në atë Këshill dhe sot fshihnin kokën si strucat pas fundshpinës së këshilltarëve të PS, duke u vetvulosur në ballë me damkën e pështirë të shëmbëlltyrës së degraduar politike.

Ky shkarkim i Erion Veliaj është jo vetëm i domosdoshëm, por edhe shumë i vonuar. Ai duhet të shënojë fillimin e një procesi të thellë drejt llogaridhënies dhe rikthimit të Bashkisë te qytetarët.

Drejtësi për Tiranën!

Drejtësi për inceneratorin!

Drejtësi për Nënë Lizën!

Drejtësi për Ardit Gjoklajn!

Beteja për çlirimin e Tiranës vazhdon", tha Blushi./CNA

 

 

 

 

 

 

 

 

 

 





Lajmet e fundit nga