web counter
LEXO PA REKLAMA!

SHKARKO APP

App Store
Google Play

E fundit!

x

"Kemi shumë burime të reja"/ Rama: Synojmë që brenda 2030 të mos importojmë energji

23 Shtator 2025, 13:56, Politikë CNA

"Kemi shumë burime të reja"/ Rama: Synojmë që

Kryeministri Edi Rama, i pranishëm në Vjenë, si pjesë e konferencës “Shqipëria, horizonti i ri” ka folur për energjinë në vend.

Rama ka deklaruar se në fillim të qeverisjes së tij, energjia ishte një nga problemet më të mëdha, shkaktuar dhe nga situata problematike me shoqërinë e shpërndarjes. Kryeministri tha se borxhi i shoqërisë së shpërndarjes ishte 1.2 miliardë.

Më tej kryeministri u ndal te situata aktuale dhe tha se ka shumë burime të reja energjetike që janë vënë në funksion apo pritet të vihen.

Rama deklaroi se synimi është që prodhimi nga energjia diellore të shkojë në 30% dhe brenda vitit 2030 të prodhohet e gjithë energjia e nevojshme pa u nevojitur importi.

Gjithashtu tha se përveç investimeve në energjinë diellore dhe atë të erës, po investohet edhe në sistemin e energjisë hidrike.

“Energjia ka qenë një prej problemeve më të mëdha që na duhej të merreshim. Kaluam një situatë mjaft problematike me shoqërinë e shpërndarjes, me një borxh shumë të madh, 50% nuk paguanin energjinë. 1.2 miliardë ishte borxhi i shoqërisë së shpërndarjes. Jemi tashmë në një pozitë krejt ndryshe. Kemi shumë burime të reja që janë vënë apo do të vihen në funksionim. Synimi ynë është ta çojmë në 30% prodhimin nga energjia dielllore. Kemi synim që para 2030 të prodhojmë energjinë që na duhet gjatë gjithë vitit, pa nevojën për të importuar. Po investojmë në energji diellore, në atë të erës dhe në një teknologji të re. Është sistemi i energjisë hidrike. Nëpërmjet riciklimit të ujit të marrim energji nga i njëjti ujë dhe të rrisim sasinë e energjisë së prodhuar me impiante 800 MWh”, tha Rama./CNA





Lajmet e fundit nga