web counter
LEXO PA REKLAMA!

SHKARKO APP

“Veliaj përuronte rrugën pa u mbyllur tenderi”/ Këlliçi: I kam denoncuar në SPAK, mua m’i vodhi zgjedhjet

22 Shtator 2025, 21:51, Politikë CNA

“Veliaj përuronte rrugën pa u mbyllur tenderi”/

Deputeti i PD-së Belind Këlliçi ka folur për aferat korruptive në Bashkinë e Tiranës.

I ftuar në emisionin Cim Peka Live, Këlliçi përmedni rrugën Xhon Belushi, duke thënë se Veliaj ishte gati të përuronte rrugën pa u mbyllur tenderi.

Këlliçi tha se këto fakte janë denoncuar në SPAK.

“Unë kam bërë denoncimin e rrugës ‘Xhon Belushi’. Ka qenë një tender ku titullari i tenderit kontraktor është ‘Nesti Angoni’, Arbian Mazniku në këtë rast që unë e kam denoncuar këtu tek ju. Tenderi ishte i hapur dhe do të mbyllej...Po mbyllej rruga, ishte asfaltuar në fund dhe ndërkohë Veliaj kishte bërë edhe kronikën e përurimit të rrugës.

Kam denoncuar ‘5D’, kam shkuar në zgjedhje, e kam firmosur pastaj ‘5D’ e kam çuar edhe në SPAK.

Mbaroi 14 Maji dhe sigurisht që unë edhe si Belind, edhe si politikan, në muajin mars të atij viti hoqa dorë edhe nga mandati i deputetit që isha i zgjedhur për të hyrë në një betejë ashtu siç e mbani mend, pa vulë, pa logo, pa komisionerë, pa numërues, pa minutash mediatik, etj”, tha Këlliçi.

Më tej Këlliçi tha se zgjedhjet për Bashkinë i vodhën.

“Unë dhashë modelin tim. Kisha një rival përballë, mi vodhi zgjedhjet. Unë isha i bindur që zgjedhjet mi kishte vjedhur. Gjatë kohës së fushatës kisha marrë informacione por e kisha të pamundur ti anonçoja të gjitha”, tha Këlliçi./ CNA





Lajmet e fundit nga