web counter
LEXO PA REKLAMA!

SHKARKO APP

App Store
Google Play

“Këto kulla nuk janë për shqiptarët”/ Xhaferri: Rama dhe Veliaj dhanë 1.9 milionë m² leje ndërtimi

22 Shtator 2025, 14:14, Politikë CNA

“Këto kulla nuk janë për shqiptarët”/ Xhaferri:

Deputeti i Partisë Demokratike, Besart Xhaferri, ka reaguar sot lidhur me skandalin me lejet e ndërtimit në Tiranë.

Përmes një postimi në rrjetet sociale, Xhaferri shprehet se në 2024 Tirana u shtua me 1.766 banorë, ndërsa Rama dhe Veliaj dhanë 1.9 milionë m² leje ndërtimi.

Xhaferri shton se këto leje ndërtimi nuk janë për shqiptarët, por për ata që pastrojnë paratë dhe kartelet e drogës.

“Në vitin 2015, qyteti i Tiranës u shtua me rreth 18 mijë banorë të rinj, ndërsa në 1 janar 2025, Tirana kishte vetëm 1.766 banorë të rinj në raport me vitin 2024.

Këto shifra dramatike janë pasojë e eksodit që ka prekur 36 rrethet e vendit, ku banorët e ikur nga këto krahina Tiranën as nuk e kanë më alternativë, por po zgjedhin të ikin jashtë Shqipërisë, pasi Edi Rama e ka lënë këtë vend në mëshirë të krimit.

Shifrat e eksodit e nxjerrin zbuluar Edi Ramën si kryearkitekt të pastrimit të parave në ndërtim, pasi, ndonëse Tirana në 2024 u shtua me vetëm 1.766 banorë, Rama dhe Veliaj firmosën 1.9 milionë metra katrorë leje ndërtimi.

Këto kulla nuk janë për shqiptarët, por janë për të pastruar paratë e karteleve të drogës, mes të cilëve edhe ato serbe e malazeze që varen direkt nga Vuçiç, për të cilat indiciet tregojnë se Rama u ka vënë në dispozicion portin e Durrësit.

Alarmi që DASH ka ngritur për kartelet e drogës dhe pastrimin e parave ka një emër, dhe ai quhet Edi Rama dhe pa as më të voglin dyshim, ai do të ketë fatin e Manuel Noriegës”,-shkruan Xhaferri./CNA





Lajmet e fundit nga