web counter
LEXO PA REKLAMA!

SHKARKO APP

App Store
Google Play

E fundit!

x

Gara për zgjedhjet në kryeqytet/ Berisha: PD ka disa kandidatë të shkëlqyer për Tiranën

22 Shtator 2025, 13:13, Politikë CNA

Gara për zgjedhjet në kryeqytet/ Berisha: PD ka disa kandidatë

Kreu i Partisë Demokratike, Sali Berisha, komentoi sot lidhur me emrat e opozitës për garën e drejtimit të Bashkisë Tiranë.

Në një konferencë për mediat, Berisha deklaroi se PD-ja ka jo një, por disa kandidatura për kryeqytetin.

Berisha u shpreh me tone të ashpra ndaj kandidates socialiste që do të garojë në zgjedhje.

“Tani, ajo pyetja. PD ka jo një, por disa kandidatë të shkëlqyer, të pakrahasueshëm me korbën e korrupsionit, e cila përbën kandidaten më të zezë në tërë historinë e qytetit të Tiranës.

Po unë besoj se kandidatët nuk mund të jenë gjë tjetër veçse emra.

Ka emra... nuk jam unë i autorizuar të nxjerr emra këtu, por të siguroj që PD ka kandidatë të pakrahasueshëm me korbën e Covid-it, përgjegjëse direkte me vjedhjet e tmerrshme të fondeve dhe politikave që ndoqi gjatë pandemisë së Covid-it, duke i çuar vdekjet e shqiptarëve në nivelet më të larta në botë.

Pra, ka pa diskutim jo një, por disa kandidatura”,-tha Berisha./CNA





Lajmet e fundit nga