web counter
LEXO PA REKLAMA!

SHKARKO APP

App Store
Google Play

E fundit!

x

U zgjodh kryetar i komanduar i Bashkisë Vlorë/ Halili: Fokus në vazhdimësinë e projekteve për qytetin

22 Shtator 2025, 11:57, Politikë CNA

U zgjodh kryetar i komanduar i Bashkisë Vlorë/ Halili: Fokus në

Këshilli Bashkiak i Vlorës votoi sot për Elis Halilin, si kryetar të komanduar në krye të bashkisë së qytetit.

Në fjalën e tij, Halili bëri një prezantim të shkurtër të jetës dhe punës së tij.

Si i komanduar në këtë detyrë të re për të, Halili u shpreh se do të jetë i fokusuar vetëm në vazhdimësinë e projekteve për qytetin e Vlorës.

“Unë jam Elis Halili, jam një djalë që kam lindur në Vlorë, jam rritur këtu. Fati, por edhe shkollimi që kam marrë, jam inxhinier, më kanë sjellë për 7 vite në Vlorë. Kam drejtuar dhe kam qenë pjesë e zbatimit të projekteve të këtij qyteti, këto projekte që e kanë shndërruar në këtë pikë që jemi sot. Për mua është kënaqësi dhe detyrim që të gjithë anëtarët e Këshillit Bashkiak më kanë besuar që të jem deri në përzgjedhjen e kryetarit. Gjatë kësaj periudhe bashkë me dy nënkryetarët do të jemi të fokusuar vetëm në vazhdimësinë e projekteve”, tha Halili.

Halili u zgjodh sot, pasi ish-kryebashkiaku Ermal Dredha dha dorëheqjen nga detyra më 10 shtator 2025. Dredha mbajti këtë post për dy vite, që prej vitit 2023./CNA

 

 





Lajmet e fundit nga