web counter
LEXO PA REKLAMA!

SHKARKO APP

App Store
Google Play

“I ka shkaktuar shumë dëme Tiranës”/ Teliti: PD, gati t’i ngrejë kartonat për shkarkimin e Erion Veliajt

21 Shtator 2025, 17:39, Politikë CNA

“I ka shkaktuar shumë dëme Tiranës”/ Teliti: PD, gati

Nënkryetari i Këshillit Bashkiak në Bashkinë e Tiranës, Dorjan Teliti është shprehur këtë të diel lidhur me procedurën e shkarkimit nga detyra të kryebashkiakut të arrestuar të Tiranës, Erion Veliaj.

Në një intervistë televizive, Teliti u shpreh se përfaqësuesit demokratë në këshill janë të gatshëm të ngrejnë kartonat për shkarkimin e Veliajt.

Teliti shtoi se PD është pro hapjes së një debati për dëmet që i ka shkaktuar Veliaj kryeqytetit dhe për akuzat ndaj tij.

“Normalisht procedura është e qartë në këto raste: çdo veprim apo vendim do të paraprihet nga fjala e çdo anëtari të Këshillit që ka dëshirë të diskutojë. Opozita ju siguroj që është në gatishmëri për të kryer detyrën e saj.

Procedura parashikon që kryetarit aktual i duhet dhënë e drejta e fjalës. Ajo që kërkojmë ne është që të jetë një mbledhje ligjore dhe çdo kush të ketë të drejtën e fjalës.

Nëse nga ana e mazhorancës do të ketë një nismë për të ndaluar të drejtën e fjalës dhe për të kaluar direkt në votim, kjo do të jetë akt që do t’i ngarkohet atyre për mungesën e transparencës totale që vijon prej më shumë se dy vitesh.

Ne jemi gati për zhvilluar një debat të hapur për dëmet që i shkaktuar Erion Veliaj Tiranës dhe për çfarë akuzohet Erion Veliaj, dhe patjetër që po jemi të gatshëm të ngremë kartonat tanë për shkarkimin e Erion Veliajt, pasi kjo është një kërkesë e hershme e jona, pasi dëmet që ka shkaktuar ai në krye të Tiranës janë marramendëse dhe të pallogaritshme”,-tha Teliti./CNA





Lajmet e fundit nga