web counter
LEXO PA REKLAMA!

SHKARKO APP

App Store
Google Play

E fundit!

x

“E marta po vjen”/ Teliti: Opozita nuk trembet nga fjalët e Erion Veliajt

20 Shtator 2025, 16:09, Politikë CNA

“E marta po vjen”/ Teliti: Opozita nuk trembet nga fjalët e

Nënkryetari i Këshillit Bashkiak në Bashkinë e Tiranës, Dorjan Teliti ka reaguar këtë të shtunë lidhur me propozimin për shkarkim të Erion Veliajt. 

Në një postim në rrjetet sociale, Teliti shprehet se e marta vjen shpejt, referuar ditës kur pritet të mbledhja e Këshillit Bashkiak për shkarkimin e kryebashkiakut të arrestuar të Tiranës.

Teliti shton se opozita nuk trembet as nga fjala e Veliajt, nëse këmbëngul të jetë i pranishëm, pasi në vend është krijuar një regjim i ndërtuar mbi propagandë dhe teatër.

“Të martën është dita kur Veliaj pritet të shkarkohet nga detyra nga Këshilli Bashkiak. Ama para shkarkimit, ai ka të drejtën të dëgjohet aty në sallë përpara të zgjedhurve vendorë të Kryeqytetit.
Opozita jo vetëm që nuk trembet nga ajo fjalë, por kërkon / insiston që Veliaj të jetë aty, ballë për ballë, për t’i thënë atij dhe treguar qytetarëve disa të vërteta mbi korrupsionin dhe dëmet që ai i ka shkaktuar Tiranës në 10 vitet e fundit.
Pyetja që sot bën Tirana – dhe gjithë Shqipëria – është e thjeshtë: A do e lejojë qeveria Veliajn të dalë nga burgu për të folur, apo do ta mbajnë mbyllur nga frika se mos i del boja edhe atyre bashkë me të?
Sepse kur ke ndërtuar një regjim mbi propagandë dhe teatër, një fjalë e vetme jashtë skenarit prish gjithë shfaqjen.
Për shkarkimin e Veliaj duhej leja e qeverisë… po për fjalën e Veliaj, a do jepet ndonjë leje?
E marta po vjen...”,-tha Teliti./CNA 

 

 





Lajmet e fundit nga