web counter
LEXO PA REKLAMA!

SHKARKO APP

App Store
Google Play

"Do kërkojmë seancë me debat"/ Zhulali: Veliaj, korrupsionisti yll i qytetit të Tiranës

19 Shtator 2025, 20:28, Politikë CNA

"Do kërkojmë seancë me debat"/ Zhulali: Veliaj,

Anëtarja demokrate e Këshillit Bashkiak, Ilda Zhulali e ftuar në Syri TV ka folur për shkarkimin e Veliajt dhe bashkimin e votave mes PD dhe PS për këtë çështje.

Zhulali së pari u ndal te kërkesa e dorëzuar sot nga Erion Veliaj, për të cilën tha se duhet sqaruar se kush e ka prodhuar atë shkresë dhe si e ka firmosur Veliaj. Më tej Zhulali u ndal te lajmet për një bashkim votash PD-PS, për të cilin tha se nuk ekzison. Zhulali deklaroi se qëndrimi i PD është i qartë, Veliaj nuk duhet të jetë më kryetar i Bashkisë së Tiranës.

Këshilltarja demokrate tha se pika ku ndahen me socialistët është fakti se këta të fundit e firmosën shkarkimin e Veliajt pasi thjesht i binden Edi Ramës. Kryeministri dhe Veliaj po i bëjnë shantazh njëri-tjetrit, tha Zhulali.

“Kush e ka prodhuar shkresën aktuale që mban firmën e Veliajt?

Ne kemi bërë një aksion politik. Nuk ka asnjë hamendësim që PD po bashkon votat me PS. Qëndrimi i PD ëhstë që Veliaj nuk duhet të jetë kryetar i bashkisë Tiranë. Jo vetëm ai, por dhe stafi i tij administrativ dhe politik. Kjo është ajo mbi të cilën ne kemi bazuar kërkesat tona. Bashkia e Tiranës është shndërruar në një levë të disa drejtorëve dhe të kryetarit për t’u marrë shpirtin njerëzve.

Erion Veliaj e ka treguar që ka qenë korrupsionisti yll i qytetit të Tiranës.

Pika ku ne ndahemi me këshilltarët socialistë, është që ata thjesht i binden Edi Ramës. Po i bëjnë shantazh njëri-tjetrit. Vullneti i qartë i PD është që Veliajt të largohet një orë e më parë dhe qyteti t’u kthehet qytetarëve. Do të kërkojmë një seancë me debat. Të gjithë banorët e Tiranës e meritojnë ta dëgjojnë këtë debat”, tha Zhulali./CNA





Lajmet e fundit nga