web counter
LEXO PA REKLAMA!

SHKARKO APP

App Store
Google Play

Berisha u përgjigjet mediave të Veliajt/ Nuk jemi ne që po bashkojmë votat, por mazhoranca

19 Shtator 2025, 14:01, Politikë CNA

Berisha u përgjigjet mediave të Veliajt/ Nuk jemi ne që po

Kreu i PD-së, Sali Berisha, u është përgjigjur mediave të kontrolluara nga Veliaj për tituj aleanca Rama-Berisha për shkarkimin e Erion Veliajt.

Berisha ka sqaruar se opozita ka bërë dhjetëra protesta për shkarkimin e Veliajt dhe se nuk është opozita që do të bashkojë votat me mazhorancën, por e kundërta.

Lideri demokrat tha se nëse Rama do të bashkojë votat me opozitën për shkarkimin e Veliajt, opozita nuk mund të mos e votojë plotësimin e kësaj kërkese.

“Mediat e kontrolluara nga Veliaj kanë përgatitur tituj ku informojnë se sot pasdite vendoset aleanca Rama-Berisha në shkarkimin e Erion Veliajt. Ky është trillim i paskrupullt.

Qytetarët janë dëshmitarë se janë 46 protesta të opozitës kundër korrupsionit të Erion Veliajt. Qytetarët janë dëshmitarë se në çdo mbledhje të Këshillit, këshilltarët kanë kërkuar dhe kanë insistuar për shkarkimin e menjëhershëm të Erion Veliajt. Nëse Edi Rama vendos të bashkojë votat me opozitën për shkarkimin e tij, ne natyrisht nuk mund të mos votojmë për plotësimin e asaj kërkese që ne kemi bërë në çdo mbledhje të Këshillit Bashkiak.

Nuk jemi ne që po bashkojmë votat, janë ata që po vijnë te ne jo për qëllimet tona, por për qëllime të Edi Ramës.

Edi Rama nuk mund ta mbajë Erion Veliajn si gur varri në qafë. Do ta groposë përfundimisht dhe sa më parë. Ne do të mbajmë të njëjtin qëndrim ndaj Ramës. Misioni i përmbushur ndaj Veliajt, tani radhën e ka Rama me Lubinë", tha Berisha. 

Sa i përket kandidatit të garës për Tiranën, Berisha u shpreh:

“Të gjitha çështjet që ngritët këtu do marrin përgjigje në vazhdim nga forumet dhe konsultat e PD-së qoftë me forumet, qoftë me aleatët”./ CNA





Lajmet e fundit nga