web counter
LEXO PA REKLAMA!

SHKARKO APP

App Store
Google Play

"Diella"/ Ibrahimaj: Ka marzh gabimi, ndaj është kryeministri përgjegjës

19 Shtator 2025, 21:04, Politikë CNA

"Diella"/ Ibrahimaj: Ka marzh gabimi, ndaj është

Ministrja e Ekonomisë dhe Inovacionit, Delina Ibrahimaj në një dalje televizive është ndalur te ministrja virtuale Diella.

Ibrahimaj tha se Diella nuk është një personazh i panjohur, pasi ka qenë asisentja virtuale në e-Albania.

Ministrja u shpreh se një ministre me Inteligjencë Artificiale do të përmirësojë proceset e qeverisjes. Megjithatë, Ibrahimaj pranoi se një ministre virtuale ka dhe një marzh gabimi, prandaj kryeministri është përgjegjës për të.

“Ne po jetojmë në një epokë ku Inteligjenca Artificiale sapo ka filluar të adaptohet në proceset e prodhimit, të punës dhe tregon për një rritje të eficences jashtëzakonisht të lartë. Përdorimi i Inteligjencës Artificile tregon për reduktim të kohës së prodhimit, qoftë të shërbimeve të informacionit shumë të lartë. Ndaj dhe ne, kryeministri ka vendosur që pjesë e kabinetit qeveritar të jetë një ministër për Inteligjencës Artificiale në të gjitha proceset tona. Diella nuk është personazh i panjohur për publikun shqiptar. Diella ka qenë asistenti virtual i shërbimeve të E-Albania dhe besoj që me hyrjen e Diellës, individët e kanë më të lehtë t’i marrin shërbimet.Unë besoj që pasja e një Ministri me Inteligjencë Artificiale për Inteligjencë Artificiale do të përmirësojë proceset e qeverisjes. AI është më e drejtë më transparente…dhe patjetër që ka edhe një marzh gabimi dhe për këtë arsye është kryeministri, që është përgjegjës për të. Dhe jo çdo gjë në fazat e para do t’i lihet Inteligjencës Artificiale, janë gjëra që po testohen.

Është një inovacion që po e përqafojmë shumë më herët se të tjerët, kemi treguar dhe më parë…Do ta fusim në procesin e Prokurimit që kanë domosdoshmëri të automatizimit dhe të heqjes së vendimmarrjes njerëzore në procese dhe do fusim së shpejti Inteligjencën Artificiale në analizën e drejtorisë së Përgjithshme të tatimeve, të riskut dhe në shumë sektorë të tjerë. Dhe pse jo ne të kemi një mendim për të gjitha aktet ligjore për të gjitha procedurat që qeveria bën dhe nga Diella që personifikon Inteligjencën Artificiale”, tha ministrja./CNA





Lajmet e fundit nga