web counter
LEXO PA REKLAMA!

SHKARKO APP

App Store
Google Play

“Do të lëmë nam”/ Rama tregon se frikën e tij më të madhe pas çeljes së negociatave

20 Shtator 2025, 12:14, Politikë CNA

“Do të lëmë nam”/ Rama tregon se frikën e tij

Kryeministri Edi Rama pas ministres së Shëndetësisë, Evis Sala, ka prezantuar sot edhe ministrin e Drejtësisë, Besfort Lamallari.

Gjatë fjalës së tij, Rama u përqendrua te negociatat për anëtarësim duke thënë se e ka vënë Shqipërinë para një realiteti që nuk e njihnin.

Kryeministri tregoi se cila ishte frika e tij më e madhe pas çeljes së negociatave duke iu referuar atyre që kishte dëgjuar nga kanalet, të cilat ai i quante të infektuara në lidhje me administratën.

“Suksesi ynë varet nga kontributi juaj këtu në Ministrinë e Drejtësisë dhe në çdo ministri tjetrër, negociatat për anëtarësim na kanë vënë para syve një realitet që nuk e njihnim siç duhej.

Realitetin e një fuqie profesionale të konsiderueshme në komunitetitn tonë, ballafaqimi me Brukselin, nuk të lë të fshihesh dhe as të mundëson të bësh makiazh. Di apo s’di, e bën apo jo. Afro një mijë vajza, djem, gra dhe burra të shërbimit civil dhe të institucioneve të tjera të përballeshin me procesin e skanimit të situatës dhe të çonin në çeljen e negociatave duke marrë duartrokitje nga Brukseli kjo ishte një surprizë e mirëpritur. Frika ime më e madhe ishte pasi çelëm negociatat ça do të bënim, do të lëmë nam.

Edhe unë isha influencuar nga gjithë thashethemnajat e përditshme dhe marrja nëpër gojë dhe fjalët e pamerituara që kalojnë nëpërmjet kanaleve të infektuara të informacionit për administratën tonë. Ka probleme, por administrata e nivelit të parë të dilte nga një proces ku ka pasur nga ato vende që kanë dalë mirë dhe nga ata që nuk kanë dalë mirë, të dilte me duartrokitjen është për të motivuar se mund të bëjmë më tepër dhe më mirë, të gjithë ata që morën pjesë u sfiduan fort dhe e kapërcyem me sukses. Këtë lloj sfidimi të fortë duhet t’ia bëjmë vetes çdo ditë dhe kjo është e mundur”, tha Rama./ CNA





Lajmet e fundit nga