web counter
LEXO PA REKLAMA!

SHKARKO APP

App Store
Google Play

“PD duhet t’i shtrohet punës”/ Alimehmeti: Në garën për Bashkinë Tiranë, tu qasemi qytetarëve me synim drejt fitores

20 Shtator 2025, 18:39, Politikë CNA

“PD duhet t’i shtrohet punës”/ Alimehmeti: Në

Anëtari i Këshillit Kombëtar të Partisë Demokratike, Ilir Alimehmeti komentoi këtë të shtunë lidhur me situatën e opozitës dhe PD-së për garën për Bashkinë Tiranë.

Në një intervistë në ‘Syri Tv’, Alimehmeti u shpreh se koha është shumë e shkurtër, e si rrjedhojë, PD-ja duhet të përqendrohet në punën që e pret përmes një qasje proaktive riorganizuese.

Alimehmeti shtoi se synimi më i rëndësishëm për PD-në është që tu paraqitet qytetarëve në mënyrë të organizuar dhe me një objektiv te fitorja e zgjedhjeve.

“Mendoj se ne duhet të ishim pak më gati, sepse Veliaj u arrestua në 10 shkurt dhe kishim njëfarë kohe për ta diskutuar këtë çështje. Në këtë moment që flasim, bëhet fjalë vetëm për zgjedhjen e kryetarit dhe jo të këshillit bashkiak, dhe bëhet fjalë për një periudhë 1 vit apo diçka më shumë.

Të gjitha, buxhete, platforma, strategji janë kryer dhe nuk të jep mundësi të krijosh një plan zhvillimor të vërtetë, me përjashtim të fusësh në legjitimitet punën e ekzekutivit. Pra, mundësitë janë relativisht të vogla për të punuar 1 vit, se përndryshe nuk do kishte vendosur ligji, struktura 4 vjeçare.

Në këtë drejtim këtu, kushtet janë ndryshe nga situata e 2022-2023, kur ju përmendët emrin tim. Në këtë lloj kushtesh PD ka nevojë një qasje proaktive riorganizuese, dhe të kuptojë se gara e madhe dhe e fortë që ne kemi nevojë që të shtrohemi fort është 2027.

Janë 61 bashki dhe janë të gjithë këshillat bashkiak në garë dhe ne duhet t’i qasemi publikut dhe garës në një mënyrë të organizuar dhe të qartë të drejtuar drejt fitores. Jam pro një programi për njerëzit që është më i mirë, më i lirë dhe më i shpejtë, dhe me një parti që është e qartë dhe e riorganizuar dhe e ribashkuar, siç thuhet”,-tha Alimehmeti./CNA





Lajmet e fundit nga