web counter
LEXO PA REKLAMA!

SHKARKO APP

App Store
Google Play

Paloka: Greva e urisë nuk është alternativë për PD-në, vlen vetëm për sensibilizim

20 Shtator 2025, 18:21, Politikë CNA

Paloka: Greva e urisë nuk është alternativë për

Kryetari i Këshillit Kombëtar i Partisë Demokratike, Edi Paloka tha sot se nga të gjitha format e opozitës për të vijuar betejën politke, greva e urisë nuk është një alternativë që jep rezultat. 

Në një intervistë televizive, Paloka u shpreh se për PD-në, greva është vetëm një mjet për të sensibilizuar opinionin publik dhe ndërkombëtarët, pasi shqiptarët e dinë të vërtetën për vendin.

“Për mua ka vetëm një rrugë. Diktatura nuk rrëzohet as me fjalë e as me farsa zgjedhore. Është e kotë që ne të vazhdojmë të hyjmë në këtë lojë. Mbledhja e grupit e fundit u zhvillua me një pikë, reagimi që duhet të kishim ne ndaj asaj që ndodhi në Kuvend.

Është situatë tepër e vështirë, ju përmendët grevën e urise, unë e kam thënë dhe herë tjetër, jam kundër. Ne sot duhet të gjejmë rrugë që të na japin rezultat, por në rastin konkret pra ku na duhej vetëm një reagim ndaj asaj që ndodhi, unë vetë nuk do ta shihja si një akt që nuk duhet kryer. Nuk ka nevojë mbase as greve urie, ka forma tjera për të tërhequr vëmendjen.

Kur e ka thënë nëse do ishte greva e urisë për të përmbysur këtë regjim, kam thënë jo. Ajo mund të shërbejë për të tërhequr vëmendjen, e për të sensibilizuar opinionin, flas për normalitete dhe jo një njeri si ky që ka treguar se nuk do t ia dijë.

Në këtë rast them pse jo, nuk është një akt që duhet përjashtuar por gjithmonë vetëm për të tërhequr vëmendjen dhe për të sensibilizuar opinionin ndërkombëtar më shumë se sa shqiptar. Sepse për mua për fat të keq shqiptarët janë shumë të qartë se çfarë po ndodh në këtë vend”,-tha Paloka./CNA





Lajmet e fundit nga