web counter
LEXO PA REKLAMA!

SHKARKO APP

App Store
Google Play

“Tirana ka specifikën e vet”/ Boçi: Ja 3 emrat nga PD-ja që mund të kandidojnë për Bashkinë

21 Shtator 2025, 16:16, Politikë CNA

“Tirana ka specifikën e vet”/ Boçi: Ja 3 emrat nga PD-ja

Deputeti i Partisë Demokratike, Luçiano Boçi ka ndarë sot qëndrimin e tij lidhur me kandidatët e mundshëm të opozitës në garën për drejtimin e Bashkisë së Tiranës.

Në një intervistë në A2CNN, Boçi e cilësoi bashkinë e kryeqytetit si një rast specifik, pasi përfshin një sërë prurjesh nga i gjithë vendi.

Boçi u ndal edhe te specifikat e emrave nga radhët e demokratëve, ku veçoi edhe dimensionin politik, teksa përmendi edhe tre figura që mund të jenë pretendentë.

“Gjetja e zgjidhjes në këtë ekuacion me shumë faktorë të barabartë është disi jo e lehtë, por që do ketë një zgjidhje. Ka arsyetimet e veta çdo lloj formati i kandidatit.

Tirana ka specifikën e vet pasi është një konglomerat prurjesh nga e gjithë Shqipëria, konglomerat shtresash, përfaqësues të botëve të ndryshme, të biznesit dhe shoqërisë dhe imponon edhe në situatën politike në të cilën jemi, një kandidat që të jetë më shumë në dimensionin publik i shfaqur, por jo mos të ketë dimension politik. Nuk po kërkoj zgjidhje të ndërmjetme, por nuk mund të gjesh një kandidat pa pasur një simpati apo angazhim politik.

Jo, ka dimensionin publik më të fortë se ai politik. Pra unë do preferoja këtë tipologji. Dimensioni publik i kandidatit të jetë më i madh se dimensioni politik, por jo një kandidat pa dimension politik. Politika të pajis me disa përgjegjësi.

Është e vështirë të themi virtyte, pasi ka më shumë që pajisen me vese. Por nuk është e vështirë që kanë virtyte politike dhe dimensione politike. Unë mbrëmë përshembull kam qenë në një debat dhe dëgjova emrin e Lubonjës. A ka dimension politik? Sigurisht që ka dimension politik, sepse e ka të mbartur nga historia e vet personale. Është zoti Alimehmeti, është zonja Tabaku, është zonja Dhurata Çupi”,-tha Boçi./CNA

 

 

 

 





Lajmet e fundit nga