web counter
LEXO PA REKLAMA!

SHKARKO APP

App Store
Google Play

E fundit!

x

“E kam takuar në një aktivitet në SHBA”/ Mediu: Charlie Kirk donte të vizitonte Shqipërinë

21 Shtator 2025, 21:55, Politikë CNA

“E kam takuar në një aktivitet në SHBA”/ Mediu:

Kreu i Partisë Republikane, Fatmir Mediu ka rrëfyer sot momente nga takimi i tij me aktivistin amerikan Charlie Kirk.

Në një dalje televizive në Euronews Albania, Mediu tregoi se takimi mes tyre është zhvilluar gjatë një aktiviteti në SHBA, ku ishin së bashku të pranishëm.

Mediu tha se në atë kohë, në diskutime ishte edhe një vizitë e mundshme e Kirk në Shqipëri.

“E kam takuar Charlie-n në një aktivitet në SHBA, dhe që nga ajo kohë më ka lënë përshtypje si një debatues i jashtëzakonshëm. Ai u jepte hapësirë të gjithëve për të bërë pyetje, madje edhe kur përballej me kundërshti apo ofendime. Charlie ndërtoi një armaturë të fuqishme rreth lëvizjes së tij, e cila kishte në thelb masivitetin dhe ndikimin real në proceset zgjedhore. Ai arriti të mobilizojë rininë universitare dhe ndryshoi qasjen e saj, duke e kthyer një pjesë të madhe të saj ,që më parë mbështeste rreth 70% të majtën, drejt një alternative tjetër.

Charlie Kirk u kthye në një problem të madh jashtëzakonisht për faktin se ai ndërtoi një nga lëvizjet më të jashtëzakonshme që nuk ishte parë ndonjëherë. Nuk ishte pjesë e strukturës zyrtare të Partisë Republikane, por ndërtoi një lëvizje me debat të hapur dhe me ndikim real në terrene ku ideologjia konservatore përballej me kundërshtimin më të madh. Ai nuk kërkonte gjë tjetër, përveçse një Amerikë me familje të shëndosha, me vlera dhe tradita.

Ishte diskutuar që Charlie mund të kishte një mundësi të vizitonte edhe Shqipërinë. Unë besoj se nevoja për një rini konservatore është reale edhe këtu. Vlerat, familja dhe tradita janë të domosdoshme për stabilitetin e shoqërisë shqiptare”,-tha Mediu./CNA





Lajmet e fundit nga