web counter
LEXO PA REKLAMA!

SHKARKO APP

App Store
Google Play

E fundit!

x

“Socialistët nuk kanë të ngopur me pushtet”/ Korreshi: Opozita të marrë pjesë në çdo reformë

21 Shtator 2025, 21:42, Politikë CNA

“Socialistët nuk kanë të ngopur me pushtet”/

Deputet i Partisë Demokratike, Saimir Korreshi u ndal sot gjerësisht te roli i opozitës në lidhje me situatën përballë mazhorancës.

Në një intervistë në A2CNN, Korreshi u shpreh se opozita duhet të jetë më aktive dhe e përfshirë, e të marrë pjesë në çdo reformë përmes mendimit, edhe pse nuk ka vota të mjaftueshme për shumicën.

Korreshi shtoi se kjo është një betejë që nga viti 2014 për opozitën, që vuan për gabimet e vjetra.

“Nëse do të kishte një logjikë, do të ishte zgjedhur edhe Avokati i Popullit, por këta nuk kanë të ngopur. Këta do ta bëjnë hartën si të duan vet. Disa bashki si Lushnja, 75% e buxhetit shkon për paga, ndërsa qyteti po degradon për shkak të mungesës së institucioneve qendrore. Për një patentë drejtimi qytetarët duhet të shkojnë në Fier.

Opozita duhet të marrë pjesë në çdo reformë dhe të thotë mendimin e saj. Sot, kur nuk ke vota, s’ke ç’bën, por mendimin duhet ta thuash.

Opozita vuan sot pikërisht atë ndarje territoriale të vitit 2014, opozitës i janë ofruar shumë më shumë bashki, edhe 84 e kusur bashki. Megjithatë, opozita, me atë budallallëkun e vet, e them me plot bindje nuk ka marrë pjesë. Mund të kishim shumë më shumë bashki sot”,-tha Korreshi./CNA





Lajmet e fundit nga